(Gwasanaeth Cyfeirio Disgyblion Sir Fynwy)

Mae’r Gwasanaeth Cyfeirio Disgyblion yn darparu addysg ar gyfer plant a phobl ifanc sydd ag anghenion cymdeithasol, emosiynol ac iechyd meddwl, gan gynnwys y rhai sydd efallai, oherwydd salwch, gwaharddiad neu resymau eraill, ddim yn cael eu haddysg mewn ysgol brif ffrwd.

Mae’r Gwasanaeth Cyfeirio Disgyblion yn cynnig amrywiaeth o addysgu a dysgu o ansawdd uchel, a chefnogaeth holistaidd, sy’n canolbwyntio ar yr unigolyn, i rymuso dysgwyr i fod yn ddysgwyr uchelgeisiol a galluog; cyfranwyr mentrus, creadigol, unigolion iach a hyderus, a dinasyddion egwyddorol, gwybodus.

Mae elfen Uned Cyfeirio Disgyblion y gwasanaeth yn cynnig ymateb statudol, cyflym, yn aml ar fyr rybudd, i’r disgyblion hynny sydd wedi’u gwahardd yn barhaol o’u hysgol.  Mae hefyd yn rhoi ymyrraeth a chefnogaeth i ddisgyblion sydd mewn perygl o gael eu gwahardd, trwy feithrin llesiant emosiynol a sgiliau cymdeithasol dysgwyr, a’u cryfhau.

Mae’r Uned Cyfeirio Disgyblion hefyd yn cynnig darpariaeth feddygol EOTAS i ddisgyblion sy’n rhy sâl i fynd i’r ysgol ar hyn o bryd.

Mae’r Uned Cyfeirio Disgyblion yn cynnig cwricwlwm difyr sy’n canolbwyntio ar ddatblygu dysgwyr fel cyfranwyr effeithiol at gymdeithas. Yn ogystal â phynciau craidd, mae dysgwyr hefyd yn cael cyfle i gymryd rhan mewn astudiaethau galwedigaethol, ac yn cael eu cefnogi i wella eu hanghenion cymdeithasol, emosiynol a llesiant.

Bwriedir yr Uned Cyfeirio Disgyblion fel darpariaeth fyr-dymor, ac mae’r ffocws ar gefnogi ailintegreiddio dysgwyr i’r ddarpariaeth brif ffrwd lle bo’n ddiogel ac yn briodol gwneud hynny.  Mae’r Uned Cyfeirio Disgyblion wedi cael ei hadolygu, ac mae’r newidiadau diweddar yn adlewyrchu’r gwelliant parhaus i’r gwasanaeth ac yn cynnwys symud i ddau safle sydd newydd gael eu hadnewyddu yng Nghas-gwent a’r Fenni.

Dyddiadau Allweddol

1af a 2il Medi – Diwrnodau INSET 1 a 2

21ain Medi – Digwyddiad ymgysylltu Rhieni/Gofalwyr

2il Tachwedd – Arolygon Rhieni/Gofalwyr a dechrau arholiadau TGAU mis Tachwedd

2il Rhagfyr – Gwiriad Cynnydd yn cael ei anfon adref

11eg Ionawr – Arolygon Rhieni/Gofalwyr

15fed Chwefror – Diwrnod INSET 2

1af – 4ydd Mawrth – Ymgynghoriadau Rhieni/Gofalwyr

15fed Ebrill – Digwyddiad ymgysylltu Rhieni/Gofalwyr

3ydd Mai – Gŵyl y Banc

6ed – 18fed Mehefin – Arholiadau TGAU

25ain Mehefin – Diwrnod olaf Blwyddyn 11, digwyddiad ymadael ac Adroddiadau Llawn

5ed Gorffennaf – Arolygon Rhieni/Gofalwyr

19eg a 20fed Gorffennaf – Diwrnodau INSET wedi’u dadgyfuno (ysgol ar gau i bob disgybl)

---

School Day:

Amser	Gweithgaredd
9:00 am – 9:10 am	Cofrestru
9:10 am – 10:10 am	Gwers 1
10:10 am – 10:15 am	Egwyl i Symud
10:15 am – 11:15 am	Gwers 2
11:15 am – 11:30 am	Egwyl
11:30 am – 12:30 pm	Gwers 3
12:30 pm – 1:00 pm	Cinio
1:00 pm – 2:00 pm	Gwers 4
2:00 pm – 2:15 pm	Egwyl
2:15 pm – 3:15 pm	Gwers 5 (disgyblion meddygol EOTAS yn unig)

---

Cwricwlwm

Mae ein cwricwlwm wedi’i gynllunio i gefnogi ein dysgwyr i oresgyn y rhwystrau hynny sy’n eu hatal rhag cael mynediad at ddarpariaeth brif ffrwd a chymryd rhan lawn yn eu haddysg.  Mae’n gwricwlwm sy’n canolbwyntio ar ddysgwyr ac mae ganddo ddisgwyliadau a dyheadau uchel ar gyfer pob disgybl. Mae’n seiliedig ar ein cred gadarn fod gan bawb y gallu i gyflawni eu potensial a chyflawni pethau gwych. Mae ei wreiddiau yn ein dealltwriaeth fod yr hyn rydyn ni’n datblygu i fod ac i’w gyflawni yn dod o addysgu difyr, cydnerthedd, gwaith caled a chefnogaeth wych.

Polisïau

Gwella Ysgolion

Strategaeth Addysgu a Dysgu

Mae Uned Cyfeirio Disgyblion Sir Fynwy wedi datblygu cyfres o strategaethau addysgu a dysgu sy’n galluogi ein disgyblion i wneud cynnydd gwych.  Dyma ein strategaethau:

Newyddion a Digwyddiadau

Bore Coffi Macmillan Uned Cyfeirio Disgyblion Gogledd

Diolch yn fawr iawn i’r holl ddisgyblion a staff a wnaeth Fore Coffi Macmillan PRU Gogledd yn gymaint o lwyddiant ddydd Iau diwethaf (25 Medi 2025). Cododd yr Uned £134.85. Cynhelir Bore Coffi Macmillan PRU De ddydd Mawrth 7 Hydref

Cysylltu â ni