Mae’n rhaid i chi archebu slot ymlaen llaw cyn ymweld â chanolfan ailgylchu.


Cytunwyd y caiff y system archebu ei chadw’n barhaol.

Cyflwynwyd y system archebu i ail-agor safleoedd yn ddiogel yn unol â chanllawiau Covid Llywodraeth Cymru. Bu’r system yn llwyddiannus iawn wrth reoli pellter cymdeithasol a rheoli safle a hefyd wrth gynyddu ailgylchu, gostwng ciwio, gwella ymddygiad ar y safle a chyflwyno model gwasanaeth mwy cynaliadwy. O’r herwydd penderfynodd y Cyngor y llynedd i ddefnyddio’r system archebu a’i gwneud yn barhaol. Ymgynghorwyd yn eang ar y newidiadau gyda dros 1000 ymateb gan y cyhoedd a phroses graffu lawn gan Aelodau.


RHEOLAU SAFLE

  1. Mae’n rhaid i chi archebu slot ar-lein cyn ymweld â’r Ganolfan Ailgylchu.
  2. Mae’r Canolfannau Ailgylchu ar gyfer preswylwyr Sir Fynwy yn unig.
  3. Rhaid i chi beidio ymweld â’r Ganolfan Ailgylchu os ydych chi neu unrhyw un sy’n byw gyda chi wedi hunanynysu neu’n dangos symptomau COVID-19.
  4. Mae’n rhaid i ddefnyddwyr y safle gydymffurfio gyda chanllawiau cyfredol y Llywodraeth a chadw at y mesurau pellter cymdeithasol sydd mewn grym, mae hyn er mwyn sicrhau bod canolfannau ailgylchu yn gweithredu’n ddiogel.
  5. Mae’n rhaid i faniau a threlars archebu slot drwy’r ffurflen archebu faniau/trelar. Ni chaniateir unrhyw drelars echel dwbl neu faniau tipio ar y safle.
  6. Cyn ymweld, mae’n rhaid i breswylwyr ddidoli eu gwastraff a’u hailgylchu yn briodol i leihau faint o amser y byddant ar y safle. Ni fyddwn yn derbyn bagiau du sy’n cynnwys gwastraff bwyd ac ailgylchu.
  7. Gofynnir i chi drin ein staff a chyd-breswylwyr gyda charedigrwydd a pharch.

Dod o hyd i Ganolfan Ailgylchu


Canolfan Ailgylchu Five Lanes

Chwarel Five Lanes, A48, Caerwent, NP26 5PD

Ar agor 8am i 4pm. Ar gau ar ddyddiau Mercher ac Iau.

Cynllun safle Five Lanes


Canolfan Ailgylchu Llan-ffwyst

Ffordd Blaenau’r Cymoedd, A465, mynediad drwy Heol Merthyr, Llan-ffwyst,  y Fenni, NP7 9AQ.

Ar agor 8am i 4m. Ar gau ar ddyddiau Mawrth a Mercher.Cynllun safle Llan-ffwyst


Canolfan Ailgylchu Llanfihangel Troddi

Lleoliad ger y B4293, Llanfihangel Troddi, Trefynwy, NP25 4HX

Ar agor 8am i 4pm. Ar gau ar ddyddiau Llun a Mawrth.

Cynllun safle Llanfihangel Troddi


Beth gaiff ei dderbyn yn y Canolfannau Ailgylchu

Cyfyngwyd gwastraff DIY i bump o fagiau neu lwyth cist car bach ym mhob ymweliad gyda dim mwy na dau ymweliad y mis.

Mae gwastraff DIY yn cyfeirio at ddeunyddiau yn deillio o waith graddfa bach yn eiddo y deiliad tŷ ei hun. Ar gyfer gwaith graddfa fawr, disgwylir i ddeiliaid tai ddefnyddio contractwr gwastraff preifat neu logi sgip.

Mae Asbestos yn wastraff peryglus a byddem yn argymell eich bod yn cysylltu â chontractwr arbenigol i ddelio’n ddiogel gydag unrhyw wastraff asbestos. Derbynnir symiau bach o Asbestos o gartrefi yng Nghanolfannau Five Lanes neu Llan-ffwyst. Darllenwch ein canllawiau i gael gwybodaeth am sut i gael gwared ag Asbestos.

Ni ellir mynd â’r eitemau dilynol i ganolfan ailgylchu Llanfihangel Troddi: Asbestos, offer cartref mawr (ffyrnau, peiriannau golchi llestri, sychwyr taflu neu beiriannau golchi), silindrau nwy, cemegau cartref neu baent. Gellir derbyn yr eitemau hyn yng nghanolfannau ailgylchu Five Lanes neu Llan-ffwyst.

Cliciwch yma i weld pa eitemau gaiff eu derbyn yn y Ganolfan Ailgylchu


Archebu ymweliad car i’r Ganolfan Ailgylchu

Y ffordd rwyddaf i drefnu ymweliad ar-lein yw drwy’r dolenni islaw.

Dim ond un slot y dydd y dylech ei archebu .
Dim faniau neu drelars.

Gofynnir i chi gyrraedd o fewn y slot amser 30-munud yr ydych wedi ei archebu a dod â’ch e-bost cadarnhau gyda chi (ar eich ffôn neu wedi ei argraffu) fel tystiolaeth.
Os na fedrwch archebu ar-lein gallwch ein ffonio ar 01633 644644, nodwch y cyfeirnod archebu a gewch a dod ag ef gyda chi i’r safle. Mae’n rhaid i chi fewngofnodi i Fy Sir Fynwy. Os nad oes gennych gyfrif, bydd angen i chi greu un.


Archebu ymweliad fan neu drelar i’r Ganolfan Ailgylchu

Mae’r safleoedd yn caniatáu nifer gyfyngedig o faniau neu geir yn tynnu trelars bob dydd.

Ni chaniateir trelars echel dwbl neu faniau tipper ar y safle.

Rhaid i chi fedru dadlwytho eich cerbyd/trelar eich hun o fewn 15 munud i osgoi oedi ar y safle.

Dim ond un ymweliad yr wythnos y dylech ei archebu. Gallwch gael eich gwrthod os ydych yn ceisio gwneud nifer o dripiau.

Defnyddio’r ffurflenni islaw yw’r ffordd rwyddaf i drefnu ymweliad.

Gofynnir i chi gyrraedd o fewn y slot amser o 30 munud yr ydych wedi ei archebu a dod â’ch e-bost cadarnhau gyda chi (ar eich ffôn neu wedi ei argraffu) fel tystiolaeth.

Os na allwch archebu ar-lein, gallwch ein ffonio ar 01633 644644, gwnewch nodyn o’r cyfeirnod archebu a roddir i chi a dod ag ef gyda chi i’r safle. Mae’n rhaid i chi fewngofnodi ar Fy Sir Fynwy i archebu slot, os nad oes gennych gyfrif bydd angen i chi greu un.