Gall myfyrwyr sy’n byw yn Sir Fynwy ac nad ydynt yn mynychu eu hysgol agosaf neu ddalgylch wneud cais am gludiant rhatach. Nid oes sicrwydd y bydd cludiant yn cael ei ddyfarnu a dim a bydd cludiant ond yn cael ei ddyfarnu os oes seddi gwag ar gontractau presennol. Os dyfernir cludiant, bydd tâl o £538. Nid oes rhaid talu hwn yn llawn a gellir ei dalu trwy gynllun rhandaliadau y cytunwyd arno gyda’r Tîm Dyledwyr Amrywiol. Yr unig amod yw bod rhaid talu’r £538 cyn diwedd y flwyddyn academaidd.
Os nad ydych chi’n byw yn Sir Fynwy ond bod gennych chi blentyn yn mynychu ysgol yn Sir Fynwy, ni fyddant fel arfer yn gymwys i dderbyn cludiant. Fodd bynnag, os oes gennym seddi gwag ar ôl i holl geisiadau trigolion Sir Fynwy gael eu hystyried, byddwn yn ystyried ceisiadau gan drigolion nad ydynt yn byw yn Sir Fynwy. Os dyfernir seddi, nid oes unrhyw sicrwydd y bydd y sedd ar gael am y flwyddyn academaidd gyfan gan y bydd cais gan ddysgwr sy’n gymwys i gael cludiant statudol yn arwain at ailddyrannu’r sedd iddynt hwy.
Nid yw Cludiant Rhatach yn wasanaeth statudol ac fe’i cynigir yn ôl disgresiwn, ac felly nid oes hawl i apelio os na chewch sedd Rhatach. Asesir ceisiadau prif ffrwd yn gyntaf, Ôl-16 yn ail ac yna Rhatach. Caiff ceisiadau eu hasesu a’u blaenoriaethu am gludiant Rhatach yn unol a ydych chi’n byw yn Sir Fynwy, dysgwyr sy’n byw bellaf o’r ysgol a’r dysgwyr hynny ym Mlynyddoedd 10 ac 11(blynyddoedd TGAU).
Ni fydd disgyblion yn cael awdurdod i ddefnyddio lleoliad Rhatach nes bod yr Uned Cludiant Teithwyr wedi’i gadarnhau’n swyddogol yn ysgrifenedig. Os cewch gludiant ac rydych chi’n symud ysgol neu gyfeiriad, yna mae’n rhaid i chi hysbysu’r Uned Cludiant Teithwyr ar unwaith yn ysgrifenedig fel y gallwn ailasesu eich cymhwysedd ar gyfer y cludiant. Os caiff eich sedd ei chanslo wedi hynny, byddwn yn adolygu’r balans ar unrhyw daliadau ac os oes angen, byddwn yn rhoi ad-daliad i chi. Os ydych chi’n talu mewn rhandaliadau, byddwn yn cyfrif y ffi sy’n ddyledus ar yr adeg y caiff y cludiant ei dynnu’n ôl ac yn eich cynghori yn unol â hynny. Byddwch yn parhau i fod yn atebol am unrhyw daliadau sy’n weddill. Ni fyddwn yn derbyn ceisiadau am deithio rhatach ar gyfer unrhyw ddysgwr sydd â balans yn weddill o flwyddyn academaidd flaenorol.
Am ragor o wybodaeth ar sut i wneud cais am gludiant, cyfeiriwch at y nodiadau canllaw sydd ar gael drwy ddilyn y ddolen isod.
Trwy gofrestru a chwblhau’r ffurflen ar-lein gallwch olrhain cynnydd eich cais a derbyn diweddariadau wrth iddi gael ei phrosesu. Ar ôl cofrestru, bydd y ffurflen gais ar gael yn adran Ysgolion a Dysgu Fy Sir Fynwy.
Os ydych wedi cofrestru eisoes gan ddefnyddio ap Fy Sir Fynwy, sydd ar gael ar hyn o bryd ar ddyfeisiau Apple, Android a Windows, yna gallwch ddefnyddio’r un e-bost a chyfrinair i fewngofnodi.
