Ble rydym yn gweithio

Mae ein gwasanaeth gofalwyr ifanc yn gweithio ledled y sir, mewn ysgolion a lleoliadau cymunedol; ac rydym yn darparu ein cefnogaeth trwy gydol y flwyddyn

Sut gallwn ni helpu

Mae gofalwr ifanc dan 18 oed ac mae’n darparu gofal i rywun sydd ag anabledd neu salwch hirdymor. Ystyrir fod y gofal a roddant yn hanfodol gan ei fod yn galluogi’r person y gofalant amdanynt i gynnal lefel o annibyniaeth a llesiant. Bydd y mathau o gymorth y gallwn ei gynnig i berson ifanc yn dibynnu ar os ydynt wedi cael eu hatgyfeirio atom yn ffurfiol neu os ydynt wedi cwrdd â’n tîm fel rhan o’n gweithgareddau codi ymwybyddiaeth mewn ysgolion a chymunedau. Mae’n bwysig nodi bod angen atgyfeiriad ac asesiad ffurfiol i’n gwasanaeth i fod â hawl i’r holl opsiynau cymorth isod.

• Derbyn y cylchlythyr ddwywaith y flwyddyn.
• Gwahoddiadau i weithgareddau cymdeithasol a hamdden.
• cefnogaeth 1:1.
• Cefnogaeth grŵp.
• Gwahoddiadau i gymryd rhan yn y fforwm gofalwyr ifanc.
• Gwybodaeth a chyfeiriadau at grantiau a hawliadau eraill y gall gofalwyr ifanc eu hawlio.

Ffoniwch 01633 644389 (Llun – Gwener, 9am-5pm) i siarad ag un o’n tîm.

Diwrnod Gweithredu Gofalwyr Ifanc (11 Mawrth 2026) – Mae Diwrnod Gweithredu Gofalwyr Ifanc yn ddigwyddiad blynyddol a gynhelir ganol mis Mawrth. Caiff y diwrnod ei drefnu a’i arwain gan yr Ymddiriedolaeth Gofalwyr (https://carers.org/), sy’n annog cynifer o sefydliadau, cymunedau ac unigolion ag sydd modd i gymryd rhan yn y diwrnod drwy weithredu, cefnogi a chodi ymwybyddiaeth o ofalwyr ifanc. Roedd ffocws eleni ar ofalwyr ifanc yn cael yr un cyfleoedd i ddysgu, tyfu a ffynnu â’u cyfoedion, gyda’r gydnabyddiaeth gywir, cymorth a chyfleoedd i gyrraedd eu potensial. Ar Ddiwrnod Gweithredu Gofalwyr Ifanc, bu gofalwyr ifanc Sir Fynwy yn cydweitho gyda ‘Dyfodol Creadigol’ a defnyddio cyflwyniadau byrfyfyr, ysgrifennu geiriau, drama a cherddoriaeth i ddweud eu stori drwy fod yn greadigol.

Young Carers (Impact and social value 2023/2024

Am ein tîm

Nathan Meredith

Helo, Nathan ydw i, fi yw Arweinydd Pobl Ifanc a Chymunedau a rwyf yng ngofal y tîm cwnsela a’r tîm gofalwyr ifanc. Mae’n fraint fawr i fi weithio gyda chydweithwyr angerddol ac ymroddedig a pharhau i gefnogi pobl ifancgyda’u llesiant. Tu allan i’r gwaith, mae fy niddordeb mewn cerddoriaeth a’r awyr agored yn cadw’r wên ar fy wyneb.

Julia Welch

Helo Julia ydw i ac rydw i wedi bod yn gweithio gyda gofalwyr ifanc yn Sir Fynwy am y 6 blynedd diwethaf. Y rhan orau o fy swydd yw darparu gweithgareddau a seibiant sydd dybryd ei angen ar y gofalwyr ifanc. Os gwelwch ni yn eich ysgol dewch draw i ddweud helo a gallwn ddweud ychydig mwy wrthych am y gwasanaeth a’r hyn y gallwn ei ddarparu ar eich cyfer. Ychydig amdanaf i – dwi’n hoff iawn o gerddoriaeth fyw ac rwy’n mwynhau treulio fy mhenwythnosau mas yn yr awyr agored, yn enwedig ar y traeth

H

Arif Hussain

Helo Arif Hussain ydw i ac rydw i wedi bod yn gweithio gyda gofalwyr ifanc yn Sir Fynwy ers 8 mlynedd. Rydw i wedi bod yn ofalwr ifanc ac yn ofalwr sy’n oedolyn ers blynyddoedd lawer trwy gydol fy mywyd, a dyna pam rydw i mor angerddol am fy swydd. Rwyf wrth fy modd yn gweld y gofalwyr ifanc yn hapus ac yn datblygu drwy’r cymorth yr ydym yn ei ddarparu boed yn; weithgareddau seibiant, cefnogaeth 1:1, sesiynau grŵp neu roi ychydig o gyngor neu arweiniad sydd ei angen arnynt. Rwy’n mwynhau cadw’n heini, crefft ymladd, cymdeithasu gyda ffrindiau/teulu, gwylio ffilmiau, gweithio ar fentrau newydd, dysgu pethau newydd a jest helpu pobl!

Katie Shannon

Helo, Katie ydw i, ymunais â’r tîm Gofalwyr Ifanc ym mis Ebrill mewn swydd newydd i gefnogi teuluoedd gyda chostau byw. Rwyf wedi gweithio i Gwasanaethau Plant Cyngor Sir Fynwy am 6 mlynedd mewn amrywiaeth o swyddi. Rwy’n mwynhau gweithio gyda phlant a’u theuluoedd ac wedi cwrdd â phobl wych wrth wneud hynny. Rwyf yn byw yn Sir Fynwy fy hun a’r tu allan i’r gwaith rwy’n mwynhau amser teulu gyda fy mhartner, 3 plentyn a 2 gath.