Rydym yn parhau i wneud ac addasu rhai newidiadau dros dro i wneud Tyndyrn yn ddiogel i’n cymunedau ac ymwelwyr ddychwelyd a chefnogi ein siopau a’n busnesau lleol. Mae strategaeth farchnata wych yn mynd rhagddi.
Prin yw’r cyfle i ehangu llwybrau troed gan fod y ffordd eisoes yn gul mewn mannau, ond mae’r palmant treial sy’n lledu yn Abbey Mill wedi bod yn llwyddiant ac felly mae’n cael ei wneud yn barhaol. Bydd gwaith yn dechrau ar y safle ar 12fed Ebrill 2021 am tuag wythnos. Bydd yr ardal o flaen y feddygfa yn aros yn ddigyfnewid, oherwydd achosodd y treial, o’r lledu cychwynnol yn y lleoliad hwn, broblemau i’r feddygfa a’r gwasanaethau brys. Caiff yr arhosfan bysiau a’r lle parcio i gleifion o flaen y feddygfa eu cadw.
Rhwng tafarn y Rose a’r Crown a gwesty’r Wye Valley, cafodd troedffyrdd eu clirio o lystyfiant a oedd yn hongian drosodd a gosodwyd arwyddion sy’n rhybuddio gyrwyr bod cerddwyr ar y ffordd.
Mae parth 20mya wedi cael ei gyflwyno, sy’n cwmpasu pentref Tyndyrn gyfan, er mwyn creu amgylchedd mwy diogel ar gyfer cerddwyr a beicwyr. Mae arwyddion, gan gynnwys arwyddion Arddangos Cyflymder sy’n fflachio, bellach wedi cael eu gosod.
Bydd gwaith sefydlogi clogwyn sylweddol yn dechrau ar 6ed Ebrill 2021 gan arwain at gau’r A466 yn llawn rhwng Llanarfan a Thyndyrn am tua phedair wythnos. Bydd gwyriad wedi’i arwyddo’n llawn* ar waith drwyddi draw.
Rydym yn parhau i groesawu adborth ar y mesurau prawf a’r syniadau ar gyfer camau ychwanegol y gellid eu cymryd. O ystyried poblogrwydd Tyndyrn fel cyrchfan i dwristiaid, rydym yn awyddus i ddarparu amgylchedd diogel a chroesawgar i ymwelwyr a thrigolion fel ei gilydd. Mae Tyndyrn yn rhan o Astudiaeth Pentrefi Dyffryn Gwy newydd** sy’n anelu at hyrwyddo a gwella’r amgylchedd ym mhentrefi Dyffryn Gwy.
*Bydd y cynllun dargyfeirio llawn yn cael ei lanlwytho cyn gynted ag y bydd ar gael
**Bydd rhagor o wybodaeth yn dilyn yn fuan ynghylch Astudiaeth Pentrefi Dyffryn Gwy