Yma mae gwybodaeth ar y dilynol:

• Mynwentydd y mae Cyngor Sir Fynwy yn berchen arnynt
• Cysylltu
• Hawl claddu unigryw
• Claddedigaethau cartref
• Datgladdiadau

---

Dynodwyd Cyngor Sir Fynwy yn “awdurdod claddedigaeth”. Y pedair mynwent agored a reolwn yw:

• Cas-gwent
• Llanelli Hill, y Fenni
• Llan-ffwyst, y Fenni
• Trefynwy

Rydym hefyd yn gyfrifol am fynwent sydd wedi cau yn Heol Hen Henffordd.

Caiff y Gwasanaeth Mynwentydd ei reoli gan y Swyddog Mynwentydd, ffôn 01873 735852, cemeteries@monmouthshire.gov.uk

Ar gyfer claddedigaethau yng Nghil-y-coed, cysylltwch â Chyngor y Dref ar 01291 420441.

Gweler ein ffioedd mynwentydd 2024-25 a ffurflenni a gwybodaeth am gladdedigaeth

• FFIOEDD CLADDU CYNGOR SIR FYNWY 2025-26
• MYNWENTYDD LAWNT CYNGOR SIR FYNWY
• DALEN WYBODAETH CYNGOR SIR FYNWY AR FYNWENTYDD LAWNT
• CYNGOR SIR FYNWY – HYSBYSIAD CLADDEDIGAETH
• DATGANIAD STATUDOL CYNGOR SIR FYNWY

Hawl Claddu Unigryw (HCU)

Ar gyfer pob claddedigaeth ym mynwentydd y cyngor, rhoddir Hawl Claddu Unigryw i berson neu bersonau cyfrifol a gytunwyd (fel arfer aelod o’r teulu).

Mae hawl gan ddeiliad yr Hawl Claddu Unigryw (HCU) i awdurdodi ailagor y bedd ar gyfer claddedigaethau eraill a choffáu’r bedd. Heb HCU cyfredol ni ellir ailagor na choffáu’r bedd.

Cynghorir, os mai’r bwriad yw ailagor bedd yn y dyfodol ar gyfer claddu arall (hy. y priod), bod yr HCU yn cael ei ddal gan blentyn yr ymadawedig (neu aelod iau o’r teulu – 18 oed+ yn unig), yn hytrach na’r priod. Bydd hyn yn osgoi gorfod trosglwyddo’r HCU ar adeg yr ail gladdu, os yw’r teulu hefyd eisiau coffáu’r bedd gyda charreg fedd neu arysgrif ychwanegol. Gweler y ffioedd cyfredol ar gyfer costau trosglwyddo HCU.

Wrth gwrs, mae’n benderfyniad teuluol unigol, a bydd yr HCU yn cael ei gyhoeddi i bwy bynnag sy’n cael ei gofnodi ar yr Hysbysiad Claddu.”

Sut mae trosglwyddo hawl claddedigaeth unigryw o bob person i rywun arall?

Mae amrywiaeth o resymau pam y gall fod angen trosglwyddo hawliau claddedigaeth unigryw. Er enghraifft, farwolaeth deiliad hawl claddedigaeth unigryw neu bod y deiliad yn dymuno rhoi’r gorau i’w hawliau.

Gall y ffordd y caiff y trosglwyddiad ei drin amrywio’n sylweddol yn dibynnu ar yr amgylchiadau. Gofynnir i chi felly gysylltu â’r hyb cymunedol perthnasol i gael cyngor.

Claddedigaeth cartref

Gall fod yn bosibl claddu anwyliaid ar eich tir preifat eich hun. Mae gwybodaeth bellach ar gael drwy gysylltu â’ch Swyddog Iechyd yr Amgylchedd lleol.

Datgladdiadau

Mae achlysuron pam, am amrywiaeth o resymau, y gall fod angen datgladdu corff.

Gallech ddymuno cysylltu â’ch hyb cymunedol lleol neu gyfarwyddwr angladdau i’ch llywio drwy’r broses.

Mae’n rhaid  i’r Weinyddiaeth Gyfiawnder rhoi caniatâd ar gyfer unrhyw ddatgladdiad. Mae [/app/uploads/2013/06/Exhumation_Guidelines.pdf]canllawiau datgladdiad ar gael.

Ffurflenni Cais

• Ffurflen Gais Caniatâd Cofeb Mai 2023
• Gwneud cais am Fainc Goffa yn y Fynwent
• Ffurflen Gais Ar Gyfer Mainc Goffa

• FFURFLEN GAIS COEDEN GOFFA

Adran 46 Nferoedd Claddedigaethau Iechyd Cyhoeddus

Mae eithriad yn weithredol yn a31(1)(a). Mae’n debygol y byddai datgelu gwybodaeth ychwanegol yn cyfeirio at yr ymadawedig yn debygol o wneud newid i atal troseddu drwy alluogi neu annog comisiynu troseddau.

Mae’r eithriad hwn yn weithredol oherwydd pan fo person yn marw heb wneud ewyllys heb unrhyw berthynas agosaf hysbys mae asedau ystâd mewn risg nes cawsant eu lleoli a’u diogelu’n briodol e.e. rhewi cyfrifon banc a lleoli gweithredoedd teitl. Byddai rhoi manylion asedau posibl yr ystâd yn y parth cyhoeddus cyn y cafodd hyn ei wneud yn rhoi cyfleoedd ar gyfer gweithredoedd troseddol o ladrad neu dwyll. Ymhellach, mae tebygrwydd cryf y gall unrhyw eiddo fod heb ei feddiannu a gall gynnwys eiddo a dogfennau y gellid eu symud a fyddai mewn risg o ladrad neu ddifrod pe byddai’r lleoliadau hyn yn cael eu gwneud yn gyhoeddus cyn camau priodol i sicrhau hyn.

Ystyriwn fod y budd cyhoeddus mewn atal yr wybodaeth yn fwy na’r budd cyhoeddus yn ei ddatgelu.

Y rhesymau pam fod y budd cyhoeddus yn ffafrio atal yr wybodaeth yw:

● Mae budd cyhoeddus cryf mewn atal troseddu

● Mae budd cyhoeddus cryf mewn cynnal integriti eiddo sy’n wag yn neilltuol lle na fedrir dynodi unrhyw berson sy’n gyfrifol am ddiogelwch y safle

● Mae budd cyhoeddus cryf mewn caniatáu i Gyfreithiwr y Trysorlys gynnal ymchwiliadau i stadau a gaiff eu hatgyfeirio ato. Gall yr ymchwiliadau hyn gael ei lesteirio os caiff gwybodaeth yn ymwneud ag ystadau ei roi yn y parth cyhoeddus yn rhy gynnar.

Wrth gyrraedd y penderfyniad fe wnaethom ddynodi’r ffactorau dilynol pam y gallai datgeliad fod er y budd cyhoeddus ond ystyried eu bod yn cael eu gwrthbwyso gan y rhesymau a nodir uchod yn erbyn datgeliad:

● Mae budd cyhoeddus mewn sicrhau y caiff perthnasau yr ymadawedig eu canfod lle bynnag sy’n bosibl i sicrhau y caiff ystâd ei dosbarthu’n deg ac yn gyfreithlon. Fodd bynnag yn ein barn caiff y budd cyhoeddus ei wasanaethu orau gan ymdrechion Cyfreithiwr y Trysorlys a nodwn y caiff manylion ystadau sylweddol (o fwy na £5000) eu cyhoeddi gan Gyfreithiwr y Trysorlys unwaith y mae eu hymholiadau dechreuol wedi eu cwblhau a’u bod yn fodlon am ddiogelwch asedau.