Mae Grassroutes yn wasanaeth bws cymunedol hyblyg sy’n ymateb i alw, gan ddarparu teithiau ar gais. Mae’r gwasanaeth yn gweithredu cerbydau llawr isel, hygyrch yn llawn, sy’n addas i bob teithiwr, ac mae ar agor i bawb yn y gymuned drwy gynllun aelodaeth.

Sut Mae’r Cynllun yn Gweithio

Gall aelodau archebu taith drwy ffonio ein rhif ffôn am ddim rhwng 9yb a 2yp. Dylid gwneud archebion 24–48 awr ymlaen llaw drwy gysylltu â Thîm Cymorth Grassroutes ar 0800 085 8015.

Mae llwybrau wedi’u hamserlennu yn gweithredu’n ddyddiol rhwng y prif drefi, gyda hyblygrwydd i addasu yn ôl galw teithwyr. Yn gyffredinol, mae’r gwasanaethau’n rhedeg o ddydd Llun i ddydd Gwener, rhwng 9yb a 2yp, gan gwmpasu pob prif dref ac ardaloedd gwledig cyfagos ar draws Sir Fynwy.

Gwasanaethau Casnewydd

Rydym hefyd yn gweithredu dau gerbyd yn unig ar gyfer trigolion Casnewydd. Mae’r gwasanaethau hyn yn rhedeg rhwng 9yb a 2yp, o ddydd Llun i ddydd Gwener. Rhaid i bob taith ddechrau a gorffen o fewn ardal Casnewydd. Gall trigolion Casnewydd archebu hyd at 24 awr ymlaen llaw yn unig, felly dylid gwneud archebion y diwrnod cyn teithio.

Ffioedd Aelodaeth

O 1 Ebrill 2026, bydd yr aelodaeth yn costio £10 pob person pob flwyddyn.
Bydd yn ofynnol i bob aelod presennol a ymunodd cyn 1 Chwefror 2026 ailymgeisio erbyn 1 Ebrill 2026.

Prisiau Teithio

O 1 Gorffennaf 2016, mae’r strwythur prisiau fel a ganlyn:

• £3.00 am daith sengl
• £5.00 am daith ddychwelyd ar yr un diwrnod
• Gostyngiad o 50% i deithwyr dan 16 oed

Derbynnir tocynnau consesiynol ar holl wasanaethau dyddiol Grassroutes.

Dyrannu Teithiau

Mae pob cais am daith yn cael ei asesu gan ddefnyddio system seiliedig ar feini prawf er mwyn sicrhau defnydd teg, cyson ac effeithlon o’r gwasanaeth. Rhoddir blaenoriaeth i deithiau hanfodol, gan gynnwys apwyntiadau meddygol a deintyddol, siopa bwyd, a theithiau eraill sy’n cefnogi iechyd, lles ac anghenion bywyd bob dydd teithwyr.

Gwybodaeth Bwysig

Nid yw ceisiadau am deithiau’n cael eu gwarantu. Os yw’r gwasanaeth wedi’i archebu’n llawn ar adeg y cais, gall archebion gael eu gwrthod. Rydym yn argymell yn gryf eich bod yn archebu cyn gynted â phosibl.

Mae polisi Grassroutes ar gael ar gais.