Skip to Main Content

Monmouthshire

A-Y GwasanaethauEnglishHygyrchedd

Partneriaeth Bwyd Sir Fynwy / Permaculture at Farm Scale

Permaculture at Farm Scale

Erthygl wedi ei diweddaru:

Paramaeth ar Raddfa Fferm

Ydych chi erioed wedi meddwl a yw paramaeth yn gweithio ar raddfa fferm? Ydych chi erioed wedi ystyried cymhwyso’r egwyddorion i’ch tir?  Os ydych, mae’r cwrs hwn i chi!

Mae paramaeth yn ddull ymarferol o ddatblygu systemau cytûn ecolegol, effeithlon a chynhyrchiol. Ar draws y byd mae ffermwyr yn cymhwyso egwyddorion paramaeth ar raddfa, gan ddysgu o ecosystemau naturiol i ddylunio ffermydd sy’n defnyddio adnoddau’n gyfrifol ac sy’n dda i’r tir a’r bobl sy’n ei weithio.

Yn y cwrs hwn byddwch yn dysgu hanfodion paramaeth ar raddfa fferm yn gyntaf, yna ewch yn fanwl drwy sesiynau maes ar ffermydd lleol i ddysgu mwy am sut i gymhwyso’r egwyddorion i’ch tir a’ch busnes eich hun.

A ydw i’n gymwys?

I fod yn gymwys i wneud cais, rhaid i chi fodloni’r meini prawf canlynol:

  • rydych yn rheoli’n fasnachol o leiaf 3 hectar o dir, neu ardal lai sy’n gofyn am o leiaf 550 o oriau gwaith safonol y flwyddyn
  • rydych wedi eich lleoli yn Sir Fynwy NEU o fewn dalgylchoedd Gwy ac Wysg ac o fewn awr gyrru i NP15 1GA
  • rydych yn barod i gynnal y grŵp ar gyfer gweithdy undydd ar eich fferm fel rhan o’r cwrs (bydd y tiwtor yn arwain y gweithdy)
  • rydych ar gael i fynychu pob sesiwn ar y dyddiadau isod.

Beth sy’n digwydd?

Mae chwe lle ar gael.  Bydd ymgeiswyr llwyddiannus yn derbyn:

  • gweithdy rhagarweiniol deuddydd ar 8–9 Mehefin 2024, 9:30am i 4:00pm, yn Trefoil Meadows, Gwehelog, Brynbuga, NP15 2HS.
  • chwe diwrnod maes manwl (un ym mhob fferm sy’n cymryd rhan), yn rhedeg rhwng 9:30am a 4:00pm ar: 17 Mehefin, 1 Gorffennaf, 15 Gorffennaf, 29 Gorffennaf, 1 Medi, 16 Medi.
  • dwy awr o fentora un-i-un gyda thiwtor y cwrs
  • cymorth e-bost a chefnogaeth ffôn yn ôl yr angen

Nid oes asesiad neu brawf terfynol.  Erbyn diwedd y cwrs byddwch yn deall egwyddorion a thechnegau paramaeth, ac yn teimlo’n hyderus yn eu cymhwyso ar raddfa fferm i’ch daliad a’ch busnes eich hun.

Cost ac arian

Y gost yw £150 y person, na ellir ei ad-dalu, pan fyddwch yn derbyn lle.

Mae’r cwrs yn derbyn cymhorthdal gan Gyngor Sir Fynwy trwy Gronfa Ffyniant Gyffredin y DU.

Ynglŷn â’r tiwtor

Mae Nim Robins yn ddylunydd, addysgwr a hwylusydd brwdfrydig, sy’n benderfynol o feithrin newid yn ein byd a chefnogi, ysbrydoli a grymuso eraill i wneud yr un peth.  Ochr yn ochr ag adeiladu’r systemau paramaeth yn Cynefin Farm – ei thyddyn 7 erw yn Sir Benfro – mae Nim hefyd yn darparu cyngor ac ymgynghoriadau dylunio paramaeth. Mae Nim yn addysgwr ac yn diwtor asesu ardystiedig gyda’r UK Permaculture Association, ac yn rhannu amrywiaeth eang o gyrsiau yn rheolaidd, o lefel sylfaen yr holl ffordd hyd at Gyrsiau Dylunio Paramaeth llawn a chyrsiau dylunio uwch arbenigol.

Y broses ddethol a sut i wneud cais

I wneud cais am le, cwblhewch y ffurflen gais yma: https://forms.gle/MDdM3eVkaQhKkqYTA

Bydd ceisiadau’n cau am hanner dydd ar 17 Mai 2024.  Bydd ymgeiswyr llwyddiannus yn clywed gennym dros y ffôn neu e-bost ar 24 Mai.

Bydd ceisiadau’n cael eu hasesu gan y tiwtor, cynrychiolydd o Gyngor Sir Fynwy, a thrydydd parti annibynnol.  Bydd pob cais yn cael eu hasesu’n ddienw.  Wrth ddewis yr ymgeiswyr llwyddiannus bydd y panel yn ystyried arwynebedd y tir dan sylw, lleoliad daearyddol a hygyrchedd ar gyfer diwrnodau caeau ar y fferm, a’r angen i greu grŵp cydlynol o ddaliadau gydag amcanion tebyg.

Cwestiynau?

Anfonwch e-bost Nim ar nimrobins@gmail.com

Mae’r prosiectau hyn [wedi’u hariannu/ariannu’n rhannol] gan Lywodraeth y DU drwy Gronfa Ffyniant Gyffredin y DU.