Gweledigaeth Sir Fynwy ar gyfer Dysgwyr gydag ADY

Yn Sir Fynwy rydym yn credu fod pob plentyn a pherson ifanc yn haeddu addysg sy’n diwallu eu hanghenion unigol ac sy’n helpu i gyflawni eu potensial llawn. Rydym yn ymroddedig i addysg gynhwysol, ansawdd uchel ar gyfer pawb – yn arbennig y rhai sydd â rhwystrau i ddysgu neu Anghenion Dysgu Ychwanegol (ADY).

Mae ein polisi ADY yn amlinellu sut ydym yn cefnogi dysgwyr gydag ADY, gan sicrhau fod ganddynt yr adnoddau, cyfleoedd a chymorth cywir i ffynnu yn academaidd, yn gymdeithasol ac yn emosiynol.

Beth yw Anghenion Dysgu Ychwanegol (ADY)?

Dan Ddeddf Anghenion Dysgu Ychwanegol a’r Tribiwnlys Addysg 2018, mae gan blentyn neu berson ifanc ADY os oes yw’n cael yn sylweddol fwy o anhawster yn dysgu na’r mwyafrif sydd angen Darpariaeth Ddysgu Ychwanegol.

Gall hyn gynnwys:

Anableddau dysgu
Anghenion niwroddatblygiadol
Amhariad ar y synhwyrau
Anghenion cymdeithasol, emosiynol ac iechyd meddwl

Darpariaeth Ddysgu Ychwanegol yw darpariaeth addysgol sy’n ychwanegol at ac yn wahanol i yr hyn a roddir yn gyffredinol ar gyfer eraill o’r un oedran.

Mae’n bwysig nodi nad yw cynnydd araf neu gyrhaeddiad isel yn golygu nad oes gan ddysgwr ADY, ac yn yr un modd, nid yw cyrhaeddiad priodol o ran oedran yn golygu nad oes ADY.

Ein Dull Gweithredu: Ymateb Graddedig

Mae ysgolion Sir Fynwy yn dilyn Ymateb Graddedig i ddiwallu anghenion dysgwyr:

1. Darpariaeth Gyffredinol

Cymorth sydd ar gael i bob dysgwr, yn cynnwys addysgu a dysgu wedi ei addasu.

2. Cyffredinol a Mwy

Ar gyfer dysgwyr sydd angen addasiadau rhesymol:

Addasiadau yn yr ystafell ddosbarth
Proffil Un Dudalen yn amlinellu eu hanghenion a sut y gellir eu cefnogi

3. Darpariaeth wedi’i Dargedu

Ar gyfer dysgwyr sydd angen ymyriadau penodol:

Proffil Un Dudalen yn amlinellu eu hanghenion a’r cymorth wedi ei dargedu sydd yn ei le
Monitro cynnydd dros gyfnod

4. Darpariaeth Benodol

Ar gyfer dysgwyr sydd angen Darpariaeth Ddysgu Ychwanegol:

Cynllun Datblygu Unigol, a gaiff ei gadw gan yr ysgol neu’r awdurdod lleol
Adolygu a monitro rheolaidd

Cydweithio ar gyfer Cynhwysiant

Rydym yn gweithio’n agos gydag ysgolion, teuluoedd, gweithwyr iechyd proffesiynol a phartneriaid eraill i feithrin diwylliant o gynhwysiant. Mae diwallu anghenion dysgwyr gyda ADY yn rhan o welliant ysgol gyfan ac o fudd i bob dysgwr.

Dysgu mwy yn ein Strategaeth Cynhwysiant.

Yn ein gwaith gyda Chydlynwyr ADY o’n hysgolion, rydym wedi datblygu pyramidiau darpariaeth templed ar gyfer meysydd angen. Gallant edrych ychydig yn wahanol ym mhob ysgol; mae’r ddolen isod yn rhoi trosolwg o’r cymorth sydd ar gael yn gyffredinol fel rhan o ymateb graddedig drwy ysgolion a gweithwyr proffesiynol eraill.

Pyramid Darpariaeth – Templedi Meysydd Angen.pptx

Ble i Fynd am Gymorth – Rôl Cydlynydd ADY Ysgol

Pwy sy’n gyfrifol?

Pan ddaw i ddynodi os oes oes gan blentyn neu berson ifanc Anghenion Dysgu Ychwanegol (ADY) ac os yw angen Cynllun Datblygu Unigol, ysgolion a gynhelir sy’n gyfrifol am:

Plant mewn dosbarthiadau meithrin mewn ysgolion a gynhelir
Pobl ifanc mewn darpariaeth ysgol-16 mewn ysgolion a gynhelir

Yr awdurdod lleol sy’n gyfrifol am:

Plant sydd wedi cofrestru gyda dau ddarparydd (cofrestriad deuol)
Plant mewn lleoliad blynyddoedd cynnar nas cynhelir
Plant y mae’r awdurdod lleol yn gofalu amdanynt

Pwy all ofyn am gymorth?

Gall plentyn/person ifanc, rhiant, aelod o’r teulu neu weithiwr proffesiynol ofyn i’r ysgol asesu am ADY. Cydlynydd ADY ysgol sy’n cydlynu’r broses yma. Mae angen caniatâd y rhiant neu berson ifanc cyn i’r broses ddechrau.

Pa mor hir y mae’n ei gymryd?

Mae gan ysgolion 35 diwrnod i gwblhau eu hasesiad Cynllun Datblygu Unigol

Mae gan awdurdodau lleol 12 wythnos i gwblhau eu hasesiad Cynllun Datblygu Unigol.

Cynlluniau Datblygu Unigol

Pryd y caiff Cynllun Datblygu Unigol ei gyhoeddi?

Caiff Cynllun Datblygu Unigol ei greu pan nad yw plentyn yn gwneud y cynnydd a ddisgwylir ar gyfer eu hoedran, er y cymorth sydd ar gael drwy ymateb graddedig, ac mae angen Darpariaeth Ddysgu Ychwanegol.

Beth mae Cynllun Datblygu Unigol yn ei wneud?

Disgrifio ADY plentyn/person ifanc
Amlinellu’r cymorth sydd ei angen a’r deilliannau a ddymunir
Gosod y camau gweithredu a gaiff eu cymryd
Rhoi cofnod ar gyfer monitro cynnydd

Cynllun Datblygu Unigol a gynhelir gan Ysgol neu Gynllun Datblygu Unigol a gynhelir gan yr Awdurdod Lleol

Mae’r un statws cyfreithiol gan Gynlluniau Datblygu Unigol a gynhelir gan ysgolion â Chynlluniau Datblygu Unigol a gynhelir gan Awdurdod Lleol.

Mae Cynlluniau Datblygu Unigol a gynhelir gan ysgolion yn arferol ar gyfer dysgwyr mewn ysgolion prif ffrwd a cholegau.

Mae Cynlluniau Datblygu Unigol a gynhelir gan awdurdod lleol ar gyfer dysgwyr sydd:

Mewn lleoliadau arbenigol
Mewn meithrinfeydd nes cynhelir
Yn blant sy’n derbyn gofal
Â chofrestriad deuol

Gall ysgolion ofyn i’r awdurdod lleol ddod yn gyfrifol am Gynllun Datblygu Unigol os:

Yw’r Cynllun Datblygu Unigol sydd ei angen tu hwnt i’r hyn y gall yr ysgol ei ddarparu
Na all yr ysgol benderfynu ar natur neu faint yr Anghenion Dysgu Ychwanegol neu Ddarpariaeth Ddysgu Ychwanegol

➡️ Gweler Cod ADY adran 12.39 i gael mwy o wybodaeth

Cliciwch y ddolen hon i gael mwy o wybodaeth: Dogfen Egwyddorion Cyngor Sir Fynwy 2022 terfynol.pdf

I gael mwy o wybodaeth ar Gynlluniau Datblygu Unigol, cliciwch y ddolen hon: Cynlluniau Datblygu Unigol – Snap Cymru

Ymarfer sy’n Canolbwyntio ar yr Unigolyn

Beth yw Ymarfer sy’n Canolbwyntio ar yr Unigolyn?

Mae cyfarfodydd cynllunio sy’n canolbwyntio ar yr unigolyn yn ffocysu ar anghenion y plentyn drwy ei gynnwys ef neu hi, y teulu, staff ysgol a gweithwyr proffesiynol. Mae’r cyfarfodydd hyn yn ymchwilio:

Beth sy’n bwysig i’r plentyn a’r teulu
Pa gymorth sydd ei angen
Beth sy’n gweithio a nad yw yn gweithio
Gobeithion ar gyfer y dyfodol

Mae’r wybodaeth hon yn helpu i greu proffil un-dudalen i lywio cymorth.

Adolygiadau sy’n Canolbwyntio ar yr Unigolyn: Beth i’w Ddisgwyl

Pwy fydd yn y cyfarfod?

Gall y plentyn ddewis pwy hoffai iddynt fod yn bresennol. Mae’n rhaid i rai pobl fod yno, tebyg i staff ysgol a gweithwyr proffesiynol sy’n ymwneud â’u gofal. Gall hyn gynnwys:

Gweithwyr proffesiynol iechyd a gofal cymdeithasol
Staff addysgol
Teulu a chyfeillion

Pryd a Ble?

Fel arfer caiff adolygiadau eu cynnal yn yr ysgol
Trefnir dyddiad ac amser sy’n gyfleus ar eich cyfer chi a’ch plentyn
Bydd o leiaf un adolygiad bob blwyddyn

Cyn y Cyfarfod

Defnyddiwch ffurflen Atodiad 2 i:

Feddwl beth ydych chi a’ch plentyn eisiau ei ddweud
Ysgrifennu pwyntiau allweddol i’w cofio
Rhoi eich sylwadau ymlaen llaw

Dychwelwch y ffurflen i’r ysgol i sicrhau y caiff eich llais ei glywed.

Y Cynllun Gweithredu: Beth sy’n Digwydd Nesaf

Mae’r Cynllun Gweithredu yn grynodeb clir o’r hyn a gytunwyd yn ystod yr adolygiad canolbwyntio ar yr unigolyn. Mae’n sicrhau fod pawb yn gwybod sut i gefnogi eich plentyn i ddysgu, tyfu a chyflawni ei nodau.

Bydd y Cynllun Gweithredu yn cynnwys:

Pa gymorth mae eich plentyn ei angen
Pwy sy’n gyfrifol am roi’r cymorth (person a enwir)
Pryd a ble y bydd y cymorth yn digwydd
Sut y caiff cynnydd eu fesur

Ar ôl y cyfarfod, byddwch yn derbyn copi o’r Cynllun Gweithredu i’w adolygu a’i drafod gyda’ch plentyn.

I gael mwy o wybodaeth, cliciwch yma: ymarfer-sy’n-canolbwyntio-ar-yr-unigolyn-canllawiau-ar-gyfer-blynyddoedd-cynnar-ysgolion-a-cholegau-yng-nghymru.pdf

Pontio

Beth yw pontio?

Mae pontio yn cyfeirio at blentyn yn symud rhwng lleoliadau tebyg i ysgol Gynradd i ysgol Uwchradd.

Beth yw pontio manylach?

Mae pontio manylach yn rhoi cymorth ychwanegol a gall gynnwys:

Cyfarfodydd cynllunio mynediad
Ymgyfraniad Seicolegydd Addysgol
Cymorth gan Athro/Athrawes Arweiniol Canolfan Adnoddau Arbenigol neu’r Tîm Cymorth Addysg
Hyfforddiant staff

Defnyddir hyn ar gyfer pontio allweddol tebyg i:

Meithrinfa i ysgol – cliciwch yma am fwy o wybodaeth: EPS-Taflen Blynyddoedd Cynnar
Cynradd i Uwchradd link to schools & school nurseries
Prif ffrwd i Ganolfan Adnoddau Arbenigol (neu’r ffordd arall o amgylch) – lle cytunwyd hyn gan Banel Awdurdod Lleol, caiff pontio manylach ei ddatblygu drwy ymarfer sy’n canolbwyntio ar yr unigolyn gydag Athro/Athrawes Arweiniol Canolfan Adnoddau Arbenigol.
Pontio ôl-16 link to schools & school nurseries