Rydw i’n hanu o Fecsico ac wedi byw yng Nghas-gwent am fwy na 3 blynedd.
Rwyf wrth fy modd yn teithio i amrywiol leoedd yn y byd a dod i wybod am wahanol ddiwylliannau a phobl. Rwyf wrth fy modd yn coginio ac yn fy nosbarthiadau ymarferol rwy’n cynnwys rhai ryseitiau i goginio bwyd Mecsicanaidd, Sbaeneg a llysieuol. Fel teithiwr, rwy’n ymwybodol o bwysigrwydd adnabod iaith arall ac yn enwedig Sbaeneg, sef yr ail iaith siaredir fwyaf yn y byd.
Gweithiais am fwy nag 20 mlynedd fel rheolwr, yn cymryd rhan mewn cynadleddau a gweithdai hyfforddi. Hefyd, am fwy na 6 blynedd, rwyf wedi bod yn athro Prifysgol ac am y ddwy flynedd a hanner diwethaf rwyf wedi bod yn Diwtor Sbaeneg i Sir Fynwy, ac ar hyn o bryd rwy’n Dysgu’n Gymunedol gyda grwpiau o fwy na 9 o fyfyrwyr.
Rwyf wedi bod yn diwtor gwirfoddol ers 2 flynedd ym mhrifysgol y drydedd oed , U3A yng Nghas-gwent.
Rwy’n rhoi dosbarthiadau preifat Sbaeneg ar gyfer plant bach ac weithiau rwy’n trefnu clybiau Sgwrs Sbaeneg ar gyfer gwahanol grwpiau; hefyd, ers tri mis bellach, rwyf wedi bod yn gweithio ar gyfer y wefan Tiwtoriaid Cyntaf.
Rwy’n berson empathig sydd, ar wahân i ddefnyddio addysgu trefnus gyda thechnegau ac adnoddau dysgu gwahanol, megis: ffilmiau byr, fideos, gemau, darllen a deall, ac ati, rwy’n arbenigo mewn addasu deunyddiau at lefel dysgu pob myfyriwr, yn ogystal â bod yn ymwybodol o’u hanghenion penodol, eu chwaeth a’u diddordebau a’u hamcanion wrth ddysgu’r iaith. Mae pob sesiwn wedi’i chynllunio i annog y myfyriwr i ddechrau siarad o’r diwrnod cyntaf, gan ymarfer yr holl dechnegau i wella eu hynganiad, eu geirfa, eu darllen, eu hysgrifennu a’u dealltwriaeth.
I mi, mae’n bwysig iawn nid yn unig i addysgu’r iaith ond hefyd y wybodaeth gyffredinol am ddiwylliannau Sbaeneg eu hiaith; megis: ideoleg, hanes, cerddoriaeth, gastronomeg, safleoedd twristiaeth, celf, arferion a bywyd y ddinas. Mae pob sesiwn yn arbennig ac yn digwydd mewn amgylchedd difyr, hwyliog ac ymddiriedus.