Mae seicolegwr addysg yn cefnogi ysgolion a’r awdurdod lleol i wella profiadau dysgu pob plentyn a pherson ifanc. Bydd hyn yn cynnwys cymorth ar gyfer llesiant, datblygiad emosiynol a chymdeithasol a sicrhau fod pob plentyn a pherson ifanc yn gwneud cynnydd gyda dysgu a chyflawniad.

Ffocws gwaith seicolegydd addysg yw rhannu gwybodaeth o seicoleg a datblygu plant i ddynodi unrhyw rwystrau i ddysgu a hyrwyddo dulliau gweithredu cynhwysol a all helpu i sicrhau’r deilliannau gorau posibl ar gyfer pob plentyn a pherson ifanc.

Mae seicolegwyr addysg yn gweithio mewn ffordd sy’n canolbwyntio ar yr unigolyn mewn partneriaeth gyda rhieni, gofalwyr, teuluoedd ac eraill. Maent yn hyrwyddo dull holistig a chynhwysol i gefnogi addysgu, rhianta a datblygu plant a phobl ifanc. Maent yn gwrando ar ac yn hyrwyddo llais y plant a phobl ifanc.

Prosesau Statudol (yn gysylltiedig â Deddf Anghenion Dysgu Ychwanegol a’r Tribiwnlys Addysg (Cymru) 2018

Yn dibynnu ar yr amgylchiadau, gellir gofyn am gyngor gan seicolegydd addysg os yw’r lleoliad addysg yn teimlo y byddai’n berthnasol. Mae’n rhaid i awdurdodau lleol ystyried p’un ai i ofyn am gyngor gan seicolegydd addysg wrth benderfynu os oes gan blentyn neu berson ifanc ADY ac wrth baratoi cynllun datblygu unigol.

Gall rôl seicolegydd addysg o fewn y Ddeddf hon gynnwys:

cymryd rhan wrth ddatblygu cynlluniau datblygu unigol

mynychu adolygiadau sy’n canolbwyntio ar yr unigolyn lle’n briodol

cefnogi datblygu polisi a phroses ADY fel ymateb i’r Cod ADY

rhoi tystiolaeth ar gyfer cyfryngu a thribiwnlysoedd

rhoi cyngor ar fynediad i addysg, cynlluniau ac asesiadau cyn-ysgol

Mae’r holl seicolegwyr addysg wrth eu gwaith wedi cofrestru gyda’r Cyngor Proffesiynau Iechyd a Gofal (HCPC) https://www.hcpc-uk.org/.  Gallwch wirio os yw seicolegydd addysg wedi cofrestru drwy gofrestr HCPC register https://www.hcpc-uk.org/check-the-register/.

I gael mwy o wybodaeth am rôl seicolegwyr addysg ewch i

https://www.llyw.cymru/seicolegwyr-addysg-canllawiau

Gwerthoedd GSA Sir Fynwy

Rydym yn gweithio o fewn Gwerthoedd ac Ymddygiadau Allweddol Cyngor Sir Fynwy:

Ategir ein pwrpas gan synnwyr clir o bwy ydym ni fel sefydliad. Disgwyliwn i bobl sy’n gweithio gyda ni rannu set o werthoedd cryf a disgwyliwn fod y rhain yn amlwg yn y ffyrdd yr ydym yn gweithio ac yn ymgysylltu â’n cymunedau.

Gwaith tîm

Byddwn yn gweithio gyda chi a’n partneriaid i gefnogi ac ysbrydoli pawb i gymryd rhan. Byddwn yn gwneud y gorau o’r syniadau, a’r adnoddau sydd ar gael i wneud yn siŵr ein bod yn gwneud y pethau sy’n cael yr effaith fwyaf cadarnhaol ar ein pobl a’n lleoedd.

Didwylledd

Rydym yn agored ac yn onest. Mae pobl yn cael cyfle i gymryd rhan a dweud wrthym beth sy’n bwysig.

Hyblygrwydd

Rydym yn hyblyg, gan ein galluogi i ddarparu’r gwasanaethau mwyaf effeithiol ac effeithlon. Mae hyn yn golygu ymrwymiad gwirioneddol i weithio gyda phawb i gofleidio ffyrdd newydd o weithio.

Tegwch

Rydym yn darparu cyfleoedd i bobl a chymunedau ffynnu. Byddwn bob amser yn ceisio trin pawb yn deg ac yn gyson.

Caredigrwydd

Byddwn yn dangos caredigrwydd i bawb rydym yn gweithio gyda nhw, gan roi pwysigrwydd perthnasoedd a’r cysylltiadau sydd gennym â’n gilydd wrth wraidd pob rhyngweithio

Ein nod yw creu newid drwy:

Eirioli dros y rhai bregus

Gweithio mewn modd cydweithredol

Cadw seicoleg wrth wraidd ein hymarfer

Gweithio mewn ffordd ataliol

Bod yn hyblyg a’n medru addasu ymarfer fel sydd angen

Caniatâd a Chydsyniad

Ceisir caniatâd a chaniatâd wedi’i lofnodi gan rieni/gofalwyr bob amser cyn cynnwys Seicolegydd Addysg.

Mae’n ofynnol i bob Seicolegydd Addysg sy’n gweithio yng Ngwasanaeth Seicoleg Addysgol Sir Fynwy gofrestru gyda’r Cyngor Proffesiynau Iechyd a Gofal fel Seicolegwyr Ymarferol a gweithio o fewn eu safonau cyfreithiol a moesegol.

Mae gennym sawl taflen sy’n amlinellu ein rôl mewn ysgolion, yn y gymuned a sut rydym yn gweithio.

EPS-OPP-Cwm-1

Gwybodaeth ar gyfer staff ysgol 2025-26 EPS Gwybodaeth ar gyfer Ysgolion.docx

Cliciwch y ddolen hon i gael ein dogfen EPS Gwybodaeth i Ysgolion    

Mae adnoddau dysgu proffesiynol, adnoddau a chanllawiau’r Gwasanaeth Seicoleg Addysg ar gael yma Gwasanaeth Seicoleg Addysg

Dolenni Porth Hyfforddiant defnyddiol arall: 

Additional Learning Needs (ALN) – Resources

Inclusion

Monmouthshire Autism in Schools and Settings

Monmouthshire Specialist Teaching Service

Dim ond staff Cyngor Sir Fynwy all gyrchu Dolenni Porth

Mae seicolegwyr addysg yn Sir Fynwy yn ymateb yn hyblyg i flaenoriaethau ein awdurdod felly ac felly’n ymgymryd ag ystod eang o ddyletswyddau. Mae hyn yn cynnwys gweithio mewn ysgolion.

Cymorth Blynyddoedd Cynnar

Mae’r Gwasanaeth Seicolegydd Addysg, drwy’r Tîm ADY Blynyddoedd Cynnar, yn rhoi cymorth i blant oedran meithrin mewn amrywiaeth o leoliadau cyn-ysgol, yn cynnwys meithrinfeydd ysgol.

Seicolegwyr Addygol Cyswllt Ysgolion

Yn Sir Fynwy mae gan bob ysgol a’r Gwasanaeth Cyfeirio Disgyblion sy’n cynnwys Addysg Heblaw yn yr Ysgol fynediad i’r Gwasanaeth Seicolegydd Addysg drwy Seicolegydd Addysg cyswllt a enwyd, sy’n rhoi cymorth pwrpasol i ateb anghenion unigryw disgyblion a theuluoedd.

Mae Seicolegydd Addysg cyswllt yr ysgol yn gweithio’n agos gyda Chydlynydd ADY yr ysgol i gynllunio a blaenoriaethu gwaith y Seicolegydd Addysg.

Weithiau bydd ein Panel Cynhwysiant yn cydlynu cais i’r Gwasanaeth Seicolegydd Addysg i roi cymorth neu ymwneud â phlentyn neu berson ifanc.

Lle gofynnir am ymwneud uniongyrchol gyda phlant/person ifanc, yna byddid yn cael caniatâd rhiant/gofalwr. Gall pobl ifanc roi caniatâd iddynt eu hunain, yn dibynnu ar lefel eu dealltwriaeth neu eu ‘galluedd i roi caniatâd’.

Os ydych yn rhiant/gofalwr ac yn meddwl y gall eich plentyn fod angen cymorth gan Seicolegydd Addysg, dylech siarad gyda Chydlynydd ADY eich ysgol yn gyntaf.

Dogfennau Defnyddiol:

EPS Gwybodaeth am Rieni a Gofalwyr

EPS Gwybodaeth i blant a phobl ifanc

EPS Blynyddoedd Cynnar Rieni a Gofalwyr

EPS Canllaw i Rieni a Gofalwyr Pryderon ysgol

EPS OPP Cwm