Yn ystod Hydref 2024, cynhaliodd Cyngor Sir Fynwy arolwg preswylwyr ar fywyd bob dydd yn Sir Fynwy.

Wedi’i gynnal gan Data Cymru, roedd yr arolwg yn rhan o’u Harolwg Preswylwyr Cenedlaethol, a gynlluniwyd i gefnogi Cynghorau lleol i gynyddu eu dealltwriaeth o berfformiad a chanfyddiad.

Gofynnwyd i breswylwyr am eu profiadau yn yr ardal leol, eu barn ar wasanaethau’r cyngor, a sut y gallwn ni, fel cyngor, wella pethau.

Diolch i ymgysylltiad gan breswylwyr, cawsom 1,465 o ymatebion.

Gallwch ddod o hyd i ddadansoddiad o’r arolwg yma: www.monmouthshire.gov.uk/cy/arolwg-preswylwyr-sir-fynwy/.

Dywedodd Aelod Cabinet Cyngor Sir Fynwy dros Gydraddoldeb ac Ymgysylltu, y Cynghorydd Angela Sandles: “Diolch i’r holl drigolion a gymerodd yr amser i gwblhau’r arolwg. Mae eich adborth yn ein galluogi i ddeall yn well beth rydych chi’n ei weld bod y cyngor yn ei wneud yn dda a beth sydd angen i ni ei wneud i wella ein gwasanaethau.

“Rydym wedi ymrwymo i ymgysylltu â thrigolion ledled Sir Fynwy a gwrando arnynt.”

Ym mis Ionawr 2025, lansiodd y cyngor ei blatfform ymgysylltu newydd, Sgwrsio am Sir Fynwy. Bydd y platfform yn gwasanaethu fel canolfan ganolog ar gyfer amrywiol weithgareddau ymgysylltu, trafodaethau ac ymgynghoriadau’r Cyngor.

Mae Sgwrsio am Sir Fynwy yn cynrychioli digwyddiadau wyneb yn wyneb, fforymau, paneli pobl a deunyddiau printiedig, gan sicrhau y gall pob preswylydd a phartner ymgysylltu â’r cyngor.

Mae trigolion yn cael eu hannog i ymweld â www.sgwrsioamsirfynwy.co.uk/ i gofrestru a dod yn rhan o gymuned Sgwrsio am Sir Fynwy.

Mae’r Cynghorydd Sandles yn parhau: “Mae wedi bod yn wych gweld nifer y nifer y bobl sydd wedi cofrestru ar Gadewch i Ni Sgwrsio yn cynyddu’n wythnosol. Drwy gofrestru, byddwch yn cael y wybodaeth ddiweddaraf am yr holl gyfleoedd diweddaraf i roi adborth i’r cyngor drwy arolygon, polau piniwn a byrddau trafod.”