Amgueddfa Nelson

Ganwyd Horatio Nelson yn Swydd Norfolk, bu farw ar y môr ac fe gafodd ei gladdu yn Llundain. Serch hynny, mae Trefynwy yn gartref i un o’r casgliadau gorau am y llyngesydd enwog yn y byd. Cewch wybod am fywyd Nelson, ei garwyr, marwolaeth a’i goffâd.

Symudodd yr amgueddfa i’w safle presennol (cyfadeilad neuadd farchnad a adeiladwyd yn y 1830au) yn 1969, gan gymryd cyfrifoldeb ar yr un pryd ar gyfer casgliadau hanes lleol y dref.

Disgrifiad o’r casgliadau

Mae casgliad Nelson yn cynnwys deunydd personol a deunydd coffa ac wedi denu sylw am ei nifer fawr o lythyrau personol. Mae arddangosion arbennig yn cynnwys cleddyf ymladd Nelson a detholiad o ffugiadau syfrdanol, gan gynnwys -llygad gwydr’ Nelson.

Mae casgliadau’r Ganolfan Hanes Lleol yn seiliedig ar archif Bwrdeistref Mynwy, y llyfrgell gyfeirio hanes lleol, ffotograffau, printiau, darluniau, mapiau, cynlluniau, modelau ac arteffactau, gyda chasgliad arbennig am y teulu Rolls (gan gynnwys C.S. Rolls o Rolls Royce).

Oriau Agor (gan gynnwys Gwyliau Banc):

Bob dydd trwy gydol y flwyddyn.
Llun-Sadwrn 11.00am-1.00pm, 2.00pm-5.00pm (4.00pm Tachwedd-Chwefror)
Dydd Sul 2.00pm-5.00pm (4.00pm Tachwedd-Chwefror)

Mynediad:

Yn rhad ac am ddim i bawb

Cysylltu:

01600 710630