Skip to Main Content

Monmouthshire

A-Y GwasanaethauEnglishHygyrchedd

Traphont Gilwern

Traphont Gilwern

Erthygl wedi ei diweddaru:

Mae asesiadau strwythurol wedi nodi pryderon gyda’r bont sy’n gofyn am weithredu ar unwaith i sicrhau diogelwch a chadw’r bont ar agor. 


I fynd i’r afael â’r mater, mae angen system rheoli traffig dros dro tra byddwn yn gweithio tuag at atebion canolig a hir dymor. 

O Dydd Llun, 19 Ionawr, hyd nes rhoddir gwybod yn wahanol, bydd y cyfyngiadau canlynol yn berthnasol:

  • Cyfyngiad Pwysau: Bydd gan y bont derfyn pwysau o 3 tunnell.
  • Lleihau Lôn: Bydd traffig yn cael ei leihau i un lôn redeg ar draws y bont. Bydd goleuadau traffig dros dro yn rheoli’r traffig.
  • Mynediad i Gerddwyr: Bydd cerddwyr dal yn gallu defnyddio’r bont.

Mae’r mesurau rhagofalus hyn yn hanfodol i leihau straen ar y bont a sicrhau bod pob cerbyd yn gallu teithio’n ddiogel. Rydym yn cydweithio ag ymgynghorwyr arbenigol i lunio atebion tymor canolig a hirdymor i ddatrys y materion strwythurol a nodwyd.

Bydd cyflwr y bont ac effeithiolrwydd y mesurau rheoli traffig yn cael eu monitro’n barhaus trwy gydol y cyfnod hwn.

Hyd

Ar hyn o bryd, ni ellir cadarnhau dyddiad cwblhau, a disgwylir i’r trefniadau rheoli traffig newydd barhau mewn grym am gyfnod estynedig.

Diweddariadau

Dydd Mercher, 14 Hydref 2026

Mae gwaith monitro ac asesu ar Draphont Gilwern yn cael ei wneud gan ymgynghorwyr Peirianneg, WSP.   Mae WSP yn ymgymryd â rhaglen waith i ddeall cyflwr y strwythur yn well a chefnogi ei reolaeth barhaus.

Mae gwaith asesu ar ddec y bont yn mynd rhagddo.  Mae profion sensitifrwydd a chyfrifiadau annibynnol bellach wedi’u cwblhau ac wedi’u halinio.  Mae mapio ac adrodd diffygion ar y gweill.  Mae WSP hefyd yn parhau â’u hasesiad o is-strwythur y draphont, gan gynnwys y pierau, i ddeall cyflwr y strwythur.

Mae lluniadau dylunio a gwybodaeth adeiladu ar gyfer y disodli ailosod y rhwydi atal darnau ar y gweill gyda WSP. Mae rhwydi atal darnau yn rhwyll ddiogelwch wedi’u gosod o dan rannau o bont er mwyn dal unrhyw ddeunydd rhydd a allai syrthio wrth i’r strwythur heneiddio. Mae gwaith yn parhau i fireinio cwmpas y gwaith ar gyfer yr elfen hon o’r cynllun.

Mae Mott MacDonald yn parhau i gynnal adolygiad annibynnol Categori III o’r asesiad is-strwythur traphont i helpu i sicrhau bod penderfyniadau yn y dyfodol yn seiliedig ar y wybodaeth fwyaf cadarn a dibynadwy sydd ar gael.  Mae Mott MacDonald hefyd yn cynnal gwaith arolygu ac asesu ar bontydd allweddol gerllaw i helpu i ddeall a chefnogi gwytnwch y rhwydwaith priffyrdd lleol ehangach.

Mae camera traffig DA yn parhau i fod ar waith ar y llwybr i fonitro data traffig a llywio penderfyniadau yn y dyfodol.

Y Camau Nesaf

Mae’r cyngor yn parhau i weithio gyda pheirianwyr arbenigol a phartneriaid trafnidiaeth i fonitro cyflwr y strwythur, deall unrhyw newidiadau dros amser a sicrhau bod mesurau priodol yn parhau i fod ar waith i gynnal diogelwch, wrth hefyd leihau aflonyddwch ar breswylwyr, busnesau ac ymwelwyr.

Dydd Mawrth, 18 Awst 2026

Monitro traffig

Mae camera traffig newydd bellach wedi’i osod ar y llwybr. Bydd data traffig yn dechrau cael ei gasglu a’i fonitro i’n helpu i ddeall symudiadau traffig yn well a llywio penderfyniadau yn y dyfodol.

Asesiadau strwythurol a gwaith monitro parhaus

Rydym wedi comisiynu ymgynghorwyr peirianneg WSP i gynnal rhaglen waith i’n helpu i ddeall cyflwr y strwythur yn well a chefnogi ei reolaeth barhaus.

Mae’r gwaith hwn yn cynnwys:

  • Ailasesu dec y bont i gadarnhau ei gallu presennol i gario llwythi a deall sut y gallai unrhyw ddirywiad yn y dyfodol effeithio ar y strwythur.
  • Cynhyrchu asesiadau technegol wedi’u diweddaru a throthwyon monitro i lywio penderfyniadau cynnal a chadw a gweithredol yn y dyfodol.
  • Dylunio a goruchwylio gwaith i osod rhwydi gwrth-asglodi amddiffynnol newydd o dan y draphont.
  • Parhau i gynnal arolygiadau rheolaidd a monitro’r strwythur, gan gynnwys arolygiadau bob chwe mis ac arolygon arbenigol blynyddol.

Adolygiad annibynnol ychwanegol

Ochr yn ochr â’r asesiadau hyn, mae Cyngor Sir Fynwy wedi comisiynu Mott MacDonald i gynnal adolygiad Categori III annibynnol o’r strwythur.

Mae hyn yn darparu lefel ychwanegol o sicrwydd drwy wirio’n annibynnol y dulliau asesu, y cyfrifiadau a’r casgliadau a ddefnyddir i werthuso cyflwr y draphont. O ystyried arwyddocâd y diffygion a nodwyd yn ystod arolygiadau diweddar, bydd y lefel ychwanegol hon o graffu yn helpu i sicrhau bod penderfyniadau yn y dyfodol yn seiliedig ar yr wybodaeth fwyaf cadarn a dibynadwy sydd ar gael.

Asesiadau o lwybrau dargyfeirio

Rydym hefyd yn adolygu strwythurau eraill ar hyd llwybrau dargyfeirio a mynediad dynodedig i sicrhau eu bod yn parhau’n addas ar gyfer y cyfyngiad pwysau presennol o 40 tunnell. Nid yw rhai o’r strwythurau hyn wedi cael eu hasesu yn ystod y blynyddoedd diwethaf, a bydd asesiadau wedi’u diweddaru yn darparu sicrwydd ychwanegol ynghylch eu capasiti a’u haddasrwydd parhaus.

Y camau nesaf

Mae’r cyngor yn parhau i weithio gyda pheirianwyr arbenigol a phartneriaid trafnidiaeth i fonitro cyflwr y strwythur, deall unrhyw newidiadau dros amser a sicrhau bod mesurau priodol yn parhau ar waith i gynnal diogelwch tra’n lleihau tarfu ar breswylwyr, busnesau ac ymwelwyr.

Dydd Mawrth, 28 Gorffennaf 2026

Ymgynghorwyr

Rydym wedi gosod archeb gyda WSP i ymgymryd â’r gwaith canlynol: 

  • Dadansoddi dec y bont ymhellach. 
  • Dylunio rhwydi amddiffynnol ar gyfer y strwythur cyfan. 
  • Cwblhau mwy o asesiadau CS 470 ar gyfer y strwythur er mwyn cael data diweddar am ei gyflwr, dilysu canfyddiadau blaenorol, a llywio’r gwaith parhaus o reoli’r draphont.

Arwyddion 

Rydym yn gweithio gyda’r Adran Traffig i adolygu arwyddion yn yr ardal a’u huwchraddio. Bydd cyfarfod hefyd yn cael ei drefnu gyda Chyngor Sir Powys i sicrhau bod yr holl arwyddion yn briodol a bod Powys yn fodlon â’r trefniadau arfaethedig. 

Gŵyl y Dyn Gwyrdd / Green Man Festival 

Rydym wedi siarad â threfnwyr yr ŵyl a rhoi gwybod iddynt am y cyfyngiad pwysau ar y strwythur. Maen nhw wedi cadarnhau y bydd mesurau’n cael eu rhoi ar waith i sicrhau nad yw cerbydau’n cael eu cyfeirio ar draws y draphont. 

Rydym hefyd wedi cysylltu â’r Fyddin ynglŷn â cherbydau’n croesi’r strwythur yn ystod y cyfnod hwn.

Diweddarad 26 Mehefin 2026

Profi a Adroddiadau

Ar hyn o bryd rydym yn aros am ganlyniadau’r profion concrit, disgwylir y rhain yn ystod yr wythnos sy’n dechrau 26 Mehefin 2026. Bydd y canlyniadau hyn yn cael eu cynnwys yn yr adroddiad CS470 terfynol, gan ein galluogi i bennu strategaeth hirdymor ar gyfer y strwythur.

Gosod Camera

Mae camerâu AI wedi’u prynu ar gyfer eu gosod ar y bont. Mae archeb brynu hefyd wedi’i chodi i gysylltu cyflenwad pŵer drwy’r golofn lamp gyfagos.

Bydd rhannwr yn cael ei osod i sicrhau:

  • Parhad defnydd y golofn ar gyfer goleuadau Nadolig, a
  • Chyflenwad trydan ar wahân ar gyfer y system camera.

Gorfodi

Rydym yn archwilio opsiynau i gyflwyno galluoedd gorfodi.

Strwythurau Cyfagos

Mae WSP wedi’i gomisiynu i gynnal asesiadau o strwythurau cyfagos, er mwyn sefydlu eu cyfyngiadau pwysau presennol. Bwriad y gwaith hwn yw darparu dealltwriaeth gynhwysfawr o’r rhwydwaith priffyrdd ehangach.

Camau Nesaf

  • Cael amcangyfrif cost ar gyfer gosod rhwydi o dan y bont
  • Archwilio dichonoldeb creu mynediad newydd i’r strwythur, yn amodol ar gymeradwyaeth y tirfeddiannwr
  • Adolygu canfyddiadau’r adroddiad i benderfynu a yw’n bosibl dileu goleuadau

Weight Limit Consultation

Ymgynghoriad Terfyn Pwysau

Mae cynnig i gynyddu’r terfyn pwysau i 7.5 tunnell ar hyn o bryd dan ymgynghoriad. Dilynwch y ddolen hon i ddarganfod mwy: www.monmouthshire.gov.uk/cy/gorchymyn-diwygio-rhif-19-2026/ (Dyddiad cau: 1 Gorffennaf 2026)

*Mae un gwrthwynebiad wedi dod i law hyd yma. (26/06/2026)