Mae gan bob plentyn o oedran ysgol statudol yn y DU hawl i addysg, hynny yw pob plentyn rhwng 5 ac 16 oed. Pan fydd plentyn neu berson ifanc yn cael addysg, maent yn cael y cyfle i gyflawni eu potensial addysgol, ond maent hefyd mewn amgylchedd sy’n galluogi asiantaethau lleol i ddiogelu a hyrwyddo eu lles a’u ‘Lles’ emosiynol

Mae plant a phobl ifanc nad ydynt yn derbyn addysg addas, mewn mwy o berygl o ystod o ganlyniadau negyddol a allai gael canlyniadau niweidiol hirdymor ar eu cyfleoedd ym mywyd.

Beth mae Plant Sy’n Colli Addysg yn ei olygu?

Mae ‘Plant Sy’n Colli Addysg’ (CME) yn cyfeirio at bob plentyn neu berson ifanc o oedran ysgol statudol nad ydynt ‘ar gofrestr ysgol’. Nid ydynt hefyd yn cael eu haddysgu ‘fel arall’ er enghraifft addysg breifat neu mewn darpariaeth amgen fel Addysg Heblaw Yn yr Ysgol (EOTAS) neu Addysg Ddewisol yn y Cartref (EHE) ac ‘nid ydynt  wedi bod mewn unrhyw ddarpariaeth addysgol am gyfnod sylweddol o amser’ (fel arfer am bedair wythnos neu fwy).

Mae Deddf Addysg ac Arolygiadau 2006 yn gosod dyletswydd statudol ar awdurdodau lleol yng Nghymru a Lloegr i wneud trefniadau i ganfod plant a phobl ifanc o oedran ysgol gorfodol yn eu hardal, sy’n colli addysg.

Os ydych chi’n credu nad yw plentyn yn derbyn unrhyw addysg neu nad yw’n ymddangos ei fod yn mynychu’r ysgol yn rheolaidd, rhaid i chi gysylltu â ni ar unwaith. Nid oes rhaid i chi roi eich manylion personol, ond os byddwch chi’n gwneud hynny, bydd y manylion hyn yn cael eu trin yn gwbl gyfrinachol ac ni chânt eu datgelu i unrhyw un heblaw Swyddogion y Gyfarwyddiaeth Addysg sy’n gyfrifol am ddelio â phlant sy’n colli addysg.

Os oes gennyf bryder, beth fydd yn digwydd pan fyddaf yn rhoi gwybod?

Os oes gennych bryder ac yn rhoi gwybod ni, rydych chi’n sicrhau diogelwch a lles rhai o’r bobl ifanc fwyaf agored i niwed yn y gymuned. Pan fyddwn yn clywed gennych, byddwn yn ceisio olrhain y plentyn trwy wahanol sianeli.

Os ydym yn fodlon bod y plentyn wedi’i gofrestru mewn ysgol neu’n derbyn addysg addas, ni fyddwn yn cymryd unrhyw gamau pellach. Os oes angen, byddwn hefyd yn rhoi cymorth i helpu’r plentyn i ddychwelyd i’r ysgol.

Cysylltwch ar

ChildrenMissingEducation@monmouthshire.gov.uk Neu cysylltwch dros y ffôn: Suzanne Challenger 07929878496