• Gwasanaethau Awdurdod Lleol
• Sefydliadau Sector Preifat (i gyflawni prosiectau, nid i gefnogi datblygiad busnes)
• Sefydliadau Trydydd Sector neu Sector Gwirfoddol
• Sefydliadau Addysg Uwch
• Colegau Addysg Bellach
• Sectorau Cyhoeddus Eraill.

Bydd disgwyl i brosiectau sy’n cyflwyno ac yn mynegi diddordeb neu gais am gyllid ddangos:

• y gallu i fodloni meini prawf Llywodraeth y DU ar gyfer y rhaglen a chyflawni canlyniadau o fframwaith y rhaglen
• diwallu anghenion lleol a fydd yn ategu ac nid yn dyblygu’r ddarpariaeth bresennol
• ymgysylltu lleol sylweddol â rhanddeiliaid a buddiolwyr posibl
• maent yn gallu cyflawni o fewn yr amserlen fer ar gyfer y rhaglen
• profiad a gallu noddwr y prosiect
• y gallu i nodi a rheoli risgiau’n effeithiol
• gwerth am arian ac na ellir ariannu’r prosiect yn unman arall
• y gellir cydymffurfio â rheoliadau rheoli cymhorthdal Llywodraeth y DU
• y bydd y ddarpariaeth yn ystyried dyletswyddau cydraddoldeb, y Gymraeg ac arfer da amgylcheddol
• cyfraniad at ddiwallu anghenion strategol yr ardal fel y nodir yn y Cynllun Cymunedol a Chorfforaethol 2022-28 a strategaethau perthnasol eraill

Gellir gwneud cais am wariant cyfalaf a refeniw. Mae gwariant cyfalaf yn cyfeirio at gyllid a ddefnyddir i gael, adeiladu neu uwchraddio asedau ffisegol. Mae gwariant refeniw yn cyfeirio at gostau trefniadol parhaus sydd eu hangen i redeg gweithgareddau’r prosiect a nodir mewn cais cymeradwy. Er enghraifft:

• costau staff (gan gynnwys cyflog, yswiriant gwladol, a phensiwn)
• teithio a chynhaliaeth sy’n gysylltiedig â phrosiect
• defnyddiau
• marchnata a chyhoeddusrwydd
• costau cyfranogwyr hyfforddiant e.e. costau teithio, gofal plant

Telir holl gyllid y Gronfa Ffyniant Gyffredin mewn ôl-daliadau bob chwarter ac mae’n seiliedig ar wariant gwirioneddol (hyd at yr uchafswm a ddyfarnwyd). Bydd disgwyl i brosiectau gyflwyno rhestrau trafodion ariannol a data perfformiad prosiectau bob chwarter.

Bydd angen i brosiectau sicrhau eu bod yn gweithio gydag ymyriadau SPF, allbynnau, a chanlyniadau i Gymru (dysgu mwy isod) ac yn targedu’r ‘Ardaloedd Ymyrraeth ar gyfer Sir Fynwy’ a amlinellir yn yr adran ganlynol.

Rydym yn chwilio am ddatganiadau o ddiddordeb gan brosiectau a all dargedu’r ymyriadau canlynol:

Cymuned a Lle

• Cyllid ar gyfer gwelliannau i ganol trefi a strydoedd mawr, gan gynnwys hygyrchedd gwell i bobl anabl (W1)
• Mesurau cymunedol i leihau costau byw, gan gynnwys drwy fesurau i wella effeithlonrwydd ynni, a brwydro yn erbyn tlodi tanwydd a newid yn yr hinsawdd (W13)

Cefnogi Busnes Lleol

• Cefnogi Datrysiadau Doethach: Darparu cyngor arbenigol wedi’i deilwra, grantiau cyfatebol a hyfforddiant arweinyddiaeth i alluogi busnesau bach a chanolig gweithgynhyrchu i fabwysiadu datrysiadau technoleg ddigidol ddiwydiannol (W18)
• Buddsoddi mewn seilwaith menter a phrosiectau datblygu safleoedd cyflogaeth/arloesedd (W22)
• Buddsoddi mewn seilwaith cydnerthedd ac atebion seiliedig ar natur sy’n amddiffyn busnesau lleol ac ardaloedd cymunedol rhag peryglon naturiol gan gynnwys llifogydd ac erydu arfordirol (W33)

Pobl a Sgiliau

• Cyrsiau sgiliau gwyrdd wedi’u targedu at sicrhau bod gennym y gweithlu medrus i gyflawni sero net y llywodraeth ac uchelgeisiau amgylcheddol ehangach (W40)
• Cymorth ailhyfforddi ac uwchsgilio ar gyfer y rheini yn y sectorau carbon uchel, gan ganolbwyntio’n benodol ar drosglwyddo i swyddi gwyrdd, a Diwydiant 4.0 a 5.0 (W41)

Mae’r alwad agored am fynegiannau o ddiddordeb yn cael ei gynnal mewn dau gam.

Cam 1 – Datganiad Cychwynnol o Ddiddordeb

Yn agor ar 5ed o Fedi 2023 ac yn cau ar 13eg o Hydref 2023.

Cynigion amlinellol i gynnwys:

• Manylion y sefydliad arweiniol, unrhyw bartneriaid, a’r prif gyswllt
• Gweithgaredd/gwaith i gael ei gyflawni gan y prosiect
• Amcanion a chanlyniadau a fwriedir
• Cais ariannol ac ar beth y bydd yn cael ei wario

Bydd sefydliadau sydd wedi dangos yn ddigonol y gallant fodloni’r meini prawf a ddangosir yn yr adran ‘Beth ellir ei ariannu?’ yn cael eu gwahodd i gyflwyno mynegiant o ddiddordeb terfynol.

Gellir gofyn am fformatau gwahanol o sharedprosperityfund@monmouthshire.gov.uk.

Dylai pob sefydliad sy’n cyflwyno datganiad o ddiddordeb ddarllen y ddogfen ganllaw yn gyntaf.