Er mwyn ein galluogi i brosesu eich asesiad yn gyflym ac yn gywir, efallai y gofynnir i chi ddarparu dogfennaeth. Fodd bynnag, bydd y math o ddogfennaeth sy’n ofynnol yn dibynnu ar eich sefyllfa dai, a dangosir isod rai enghreifftiau o’r wybodaeth a’r dogfennau y bydd angen i chi eu darparu.

Prawf Hunaniaeth

Eich tystysgrif geni;

Eich pasbort;

Dogfen sy’n cadarnhau eich rhif Yswiriant Gwladol;

Eich trwydded yrru;

Eich cerdyn meddygol;

Bil cyfleustodau diweddar

Manylion eich incwm:

Manylion unrhyw gynilion sydd gennych ar ffurf ddatganiadau banc, llyfr Cymdeithas Adeiladu, cyfrifon cynilo ac ati;

Cyflogedig: Eich slipiau cyflog dros y pum wythnos diwethaf (neu’r slipiau cyflog dros y deufis diwethaf) neu lythyr gan eich cyflogwr sy’n rhoi’r tâl gros dros y pum wythnos diwethaf;

Yn Ddi-waith neu wedi ymddeol: Bydd angen cadarnhad arnoch o’r hyn yr ydych yn derbyn ar ffurf llyfr pensiwn neu ffurflen sy’n dangos faint o fudd-daliadau rydych yn derbyn. 

Os oes gennych blant:

 Tystysgrif geni lawn ar gyfer unrhyw blant dan bump oed sydd wedi’u cynnwys yn eich cais am dai, a naill ai dystysgrif geni fer neu lawn i rai dros bump oed;

Unrhyw bapurau ysgariad neu wahanu sy’n dangos trefniadau yn ymwneud â’r plant.

Os ydych chi yn feichiog:

Eich tystysgrif mamolaeth neu nodiadau ysbyty sy’n cadarnhau eich beichiogrwydd, dylai hyn ddangos y dyddiad disgwyl.