Bydd gan y Cyngor ddyletswydd dros dro i sicrhau llety i chi yn dibynnu ar yr atebion i’r profion isod.   

Ydych chi’n Ddigartref?  I gael cymorth, bydd yn rhaid i chi fod yn ddigartref neu dan fygythiad o ddigartrefedd o fewn 56 diwrnod.  O dan Adran 55(1)-(3) o Ddeddf Tai (Cymru) 2014 mae person yn ddigartref os nad oes ganddynt lety yn y DU nac mewn mannau eraill sydd ar gael iddynt feddiannu ac mae gan y person hwnnw hawl gyfreithiol i’w feddiannu. Mae person hefyd yn ddigartref os oes ganddynt lety ond na all sicrhau mynediad iddo.

A ydych chi’n gymwys i dderbyn cymorth?  Am gymorth, mae’n rhaid i chi fel arfer byw yn y Deyrnas Unedig a gyda’r hawl i gael arian cyhoeddus. Fodd bynnag, mae’r rheolau ynghylch cymhwyster yn fanwl felly efallai y byddwch am geisio cyngor annibynnol ar eich statws.

Ydych chi mewn angen blaenoriaethol?  Rydym o’r farn eich bod chi mewn angen blaenoriaethol os:

Mae gennych blant dibynnol;

Rydych chi (neu rywun sy’n byw gyda chi) yn feichiog;

Rydych wedi dod yn ddigartref oherwydd eich bod yn ffoi rhag trais yn y cartref (p’un a ydych yn ddyn neu’n fenyw);

Rydych wedi dod yn ddigartref oherwydd argyfwng fel tân neu lifogydd:

Rydych chi’n 16 neu’n 17 oed;

Rydych chi’n gadael gofal ac yn 18 i 21 oed ac sydd mewn perygl arbennig o gael eich ecsbloetio’n rhywiol neu ariannol;

Rydych chi’n ddigartref wrth adael y lluoedd arfog;

Rydych chi’n agored i niwed o ganlyniad i henaint, salwch meddwl neu anfantais, anabledd corfforol, salwch cronig;

Ymadawyr carchar – Er na roddir blaenoriaeth awtomatig i droseddwyr ar ôl rhyddhau dedfryd o garchar neu lety ieuenctid, bydd Awdurdodau Lleol yn ystyried materion bregus o ganlyniad i unrhyw amser a dreuliwyd yn y ddalfa.

Ydych chi’n ddigartref yn fwriadol? Os byddwch wedi colli’ch llety trwy weithred neu anwybodaeth fwriadol yr oeddech chi’n gwybod byddai’n eich gwneud yn ddigartref, byddwn yn ystyried i chi fod yn ddigartref yn fwriadol. Enghreifftiau o hyn yw;

Fe wnaethoch chi werthu/rhoi’r gorau i’ch cartref pan nad oedd angen gwneud hynny ac ni ddaethoch o hyd i lety addas arall.

Ni wnaethoch dalu eich rhent/morgais pan oeddech yn gallu fforddio gwneud hynny.

Anwybyddoch gyngor ar dai a fyddai wedi eich atal rhag colli eich cartref.

Cawsoch eich troi allan oherwydd ymddygiad gwrthgymdeithasol

Os byddwn yn ystyried eich bod yn ddigartref yn fwriadol ni fyddwn yn rhoi llety parhaol i chi ond byddwn yn cynnig cyngor a chymorth i chi ddod o hyd i lety addas eich hun.

Oes gennych chi gysylltiad lleol â Sir Fynwy? Fe ystyrir bod gennych gysylltiad lleol os:

Fel rheol, rydych chi’n byw yma, neu wedi byw yma yn y gorffennol, o’ch dewis chi

Rydych chi’n gweithio yn y Sir (ac eithrio yn y Lluoedd Arfog)

Mae gennych aelod agos o’r teulu yn byw yn Sir Fynwy

Mae amgylchiadau arbennig sy’n eich cysylltu â’r ardal

Os nad oes gennych gysylltiad â’r ardal ond os oes gennych gysylltiad ag ardal arall, byddwn yn cyfeirio’ch cais digartrefedd i’r Cyngor yn yr ardal honno. Os oes mwy nag un Cyngor lle mae gennych gysylltiad lleol yna gallwch ddewis pa un y byddai’n well gennych i ni gysylltu â hwy.

Os canfyddwn eich bod yn ddigartref, yn gymwys i dderbyn cymorth; mewn angen blaenoriaeth ac nid yn fwriadol ddigartref yna cewch gynnig llety dros dro.