Cyfleuster Cymunedol ar gael i’w rentu drwy dendr anffurfiol
Prif nodweddion
- Adeiladau allanol ychwanegol ar gyfer storio
- Yn ddelfrydol ar gyfer cynnal grwpiau cymunedol
- Adeiladau allanol ychwanegol ar gyfer storio
Mae Tîm Rheoli Asedau Cyngor Sir Fynwy yn gwahodd mynegiadau o ddiddordeb gan grwpiau cymunedol, elusennau, clybiau chwaraeon a sefydliadau eraill dielw i feddiannu cyn-safle Uned y Cadetiaid Awyr yn Jubilee Way, Caldicot.
Wedi’i leoli mewn man hygyrch a sefydledig yng Nghaldicot, mae’r eiddo’n cynnig cyfleuster cymunedol amlbwrpas sydd â’r potensial i ddarparu ar gyfer ystod eang o ddefnyddiau, gan gynnwys gweithgareddau ieuenctid, chwaraeon ac hamdden, hyfforddiant, addysg, gwasanaethau cymorth cymunedol, lle ar gyfer cyfarfodydd a mentrau eraill sy’n canolbwyntio ar y gymuned.
Llety
- Adeilad ar wahân a fu’n eiddo i’r Cadetiaid Awyr gynt
- Neuadd amlbwrpas fawr
- Cyfleusterau lles
- Dau gynhwysydd storio allanol
- Ardal laswellt allanol sy’n addas ar gyfer gweithgareddau a digwyddiadau awyr agored
- Mynedfa hygyrch gyda ramp
Lleoliad
Mae’r eiddo wedi’i leoli ar Jubilee Way, yn agos at gyfleusterau cymunedol a hamdden sefydledig, sy’n ei roi mewn safle da i wasanaethu trigolion Caldicot a’r ardal gyfagos. Mae’r clwb pêl-droed cyfagos a sefydliadau lleol eraill yn creu cyfleoedd ar gyfer gweithio mewn partneriaeth ac ymgysylltu ehangach â’r gymuned.
Cyfle
Mae’r Cyngor yn gwahodd cynigion gan sefydliadau sy’n gallu dangos budd clir i’r gymuned a defnydd cynaliadwy o’r eiddo yn y dyfodol. Anogir ymgeiswyr i amlinellu sut y bydd eu cynigion yn cefnogi trigolion lleol, yn gwella lles y gymuned ac yn gwneud y defnydd gorau o’r cyfleuster.
Mae’r eiddo ar gael drwy broses dendro anffurfiol, gyda’r dyddiad cau ar gyfer cyflwyno tendrau yn hanner dydd (12:00) ddydd Gwener, 21 Awst 2026.
Am ragor o wybodaeth a manylion ynghylch sut i gyflwyno cynnig, cysylltwch â’r Tîm Rheoli Asedau.