Fforwm Lleol Cymru Gydnerth Gwent – Cofrestr Risgiau Cymunedol

Mae’n ofynnol i ni, o dan Ddeddf Argyfyngau Sifil Posibl 2004, ystyried tebygolrwydd ac effaith ystod o beryglon a allai ddigwydd o fewn ardal Heddlu Gwent.

Mae’r gwaith hwn yn broses barhaus. Dim ond digwyddiadau nad ydynt yn faleisus (h.y. peryglon) fydd yn cael eu cynnwys yng Ngofrestr Risgiau Cymunedol Gwent, nid bygythiadau (h.y. digwyddiadau terfysgol).

Mae peryglon nodweddiadol sy’n cael eu hystyried yn cynnwys, er enghraifft:

• Damweiniau trafnidiaeth
• Tywydd garw
• Llifogydd
• Damweiniau diwydiannol a llygredd amgylcheddol
• Iechyd pobl
• Iechyd anifeiliaid
• Methiant technegol diwydiannol

Mae’r asesiad risg yn cael ei adolygu’n barhaus. Nid yw cynnwys perygl neu sefyllfa yn golygu bod y Fforwm Lleol Cymru Gydnerth yn credu y bydd y risg yn digwydd, neu, pe bai’n digwydd, y byddai’n digwydd ar y raddfa honno. Mae’r asesiadau risg yn seiliedig ar sefyllfaoedd risg sy’n rhagdybiaethau rhesymol am yr hyn y gallai ddigwydd yn yr achos gwaethaf.