A yw’n wir fod Cyngor Sir Fynwy wedi canslo contract gyda Raglan Dairy?
Na. Daeth cyfnod y contract presennol i ben a byddai Raglan Dairy wedi gwybod am hynny. Mae’n ofyniad cyfreithiol ar Gyngor Sir Fynwy i sicrhau ein cyflenwad drwy broses gystadleuol. Roedd y fframwaith blaenorol yn agosáu at ddiwedd ei gyfnod cyfreithiol ac roedd angen ei aildendro.
Sut y cafodd y dyfarniad ei dendro?
Mae’r Fframwait Fwyd yn ddull gweithredu ar y cyd gyda 20 o gyrff cyhoeddus Cymru eraill a gafodd ei ail-dendro yn ddiweddar, a chafodd y cynigion eu gwerthuso ar 30% pris a 70% ansawdd. Dechreuodd gwaith ar y tendr newydd y llynedd ac mae’n cynnwys 16 Awdurdod Lleol, 2 Landlord Cymdeithasol Cofrestredig, Cyfoeth Naturiol Cymru a Gwasanaeth Tân Canolbarth a Gorllewin Cymru. Mae hefyd lot cenedlaethol (h.y. agored i bawb). Mae’r fframwaith am dair blynedd.
Pwy enillodd y contract?
Cafodd Totally Welsh statws prif gyflenwr i ddarparu llaeth i Sir Fynwy. Mae’n gwmni o Sir Benfro gyda chanolfan ddosbarthu yng Nghaerdydd. Deallwn ar hyn o bryd mai dim ond llaeth Cymreig o Sir Benfro, Sir Gaerfyrddin a Cheredigion y maent yn ei ddefnyddio ac mae ganddynt safle potelu yn Hwlffordd.
Beth mae statws Prif Gyflenwr a Chyflenwr Eilaidd yn ei olygu?
Mae’r fframwaith yn rhoi statws cyflenwr i ddau gyflenwr Cafodd Totally Welsh statws prif gyflenwr a chafodd Raglan Dairy statws cyflenwr eilaidd. Mae hyn yn golygu y bydd yn rhaid i ni brynu ein cynnyrch llaeth gan Totally Welsh. Fodd bynnag, os na fedrant ateb ein gofynion contract, byddai angen i ni wedyn ddefnyddio Raglan Dairy.
Pam gafodd y tendr ei roi i gwmni o ran arall o Gymru?
Oherwydd gwerth y contract, gall unrhyw gwmni/person sy’n cyflawni meini y prawf y tendr gyflwyno tendr am y contract. Cafodd yr holl gynigion eu gwerthuso ar yr un meini prawf a’r tro hwn Totally Welsh oedd â’r sgôr uchaf ac felly nhw gafodd statws prif gyflenwr.
Sut wnaethoch chi ystyried yr effaith amgylcheddol wrth roi‘r tendr?
Gofynnwyd i bob cynigydd roi tystiolaeth o sut y byddent yn cyflenwi buddion cynaliadwyedd fel rhan o’r meini prawf dyfarnu. Gofynnodd y cwestiwn penodol sut y byddai cyflenwyr yn lleihau’r defnydd o adnoddau, allyriadau a gwastraff ar draws eu cdwyni cyflenwi a sut y byddent yn gostwng eu cyfanswm eu ôl-troed carbon yn nhermau
- Defnydd ynni a thrafnidiaeth (yn cynnwys milltiroedd bwyd
- Defnydd dŵr a mesurau llygredd dŵr
- Defnydd deunyddiau craidd; a
- Deunydd pecynnu
- Polisi gostwng carbon
- Gostwng gwastraff bwyd
- Mynd i’r afael â thlodi bwyd
A gafodd Raglan Dairy gynnig i barhau i gyflenwi Cyngor Sir Fynwy?
Cyflwynodd Raglan Dairy gynnig a rhoddwyd statws cyflenwr eilaidd iddynt. Ceisiodd Totally Welsh gytuno ar ddull gweithredu gyda Raglan Dairy. Fodd bynnag, ni ddaethpwyd i gytundeb.
Beth am y gadwyn gyflenwi leol?
Mae’r Cyngor yn parhau yn ymroddedig i weithio gyda chyflenwyr lleol ac mae wrthi’n ymchwilio ei opsiynau, gan gynnwys caffael cynnyrch llaeth annibynnol. Rydym yn ystyried y dull gweithredu hwn gan fod gofynion y Cyngor wedi newid. Fodd bynnag, mae angen i’r Cyngor sicrhau fod y dull gweithredu a ddefnyddiwn yn cydymffurfio’n gyfreithiol ac y bydd diddordeb digonol gan gyflenwyr i gyfiawnhau gwyro o’r dull cydweithredol Cymru-gyfan. Os byddwn yn mynd ar ôl yr opsiwn yma, bydd cyfnod arwain i fewn ac nid oes unrhyw warant y bydd cyflenwr lleol yn llwyddiannus. Mae dymuniad Cyngor Sir Fynwy i brynu’n lleol lle bynnag yn bosibl yn hysbys iawn.