Mae Deddf Rhyddid Gwybodaeth 2000 yn rhoi’r hawl i unrhyw un ofyn i ni ryddhau gwybodaeth sydd gennym ar unrhyw bwnc penodol.
Mae’n rhaid i ni ddarparu’r wybodaeth oni bai bod rhesymau da dros beidio â gwneud hynny. Mae dros ugain o resymau a gydnabyddir gan y ddeddf, gan gynnwys:
- Bydd yn costio gormod i gasglu’r wybodaeth
- Mae’r wybodaeth ar gael mewn mannau eraill
- Rydym yn bwriadu cyhoeddi’r wybodaeth yn y dyfodol
- Mae’r wybodaeth yn ymwneud â rhywun sy’n fyw
- Cafodd y wybodaeth ei chasglu at ddibenion ymchwiliadau neu achosion y mae gennym yr hawl i’w cynnal, megis gorfodi
Mewn sawl achos, bydd rhaid i ni benderfynu a yw budd y cyhoedd wrth beidio â rhyddhau’r wybodaeth yn gryfach na’r budd i’r cyhoedd o’i datgelu.
Gwneud cais ac edrych ar geisiadau eraill
Gallwch weld ceisiadau Rhyddid Gwybodaeth pobl eraill ac ein hatebion i’r ceisiadau hyn ar y wefan ‘What Do They Know?’.
Gallwch wneud cais Rhyddid Gwybodaeth mewn sawl ffordd:
- Ar Twitter
- Ar y wefan ‘What Do They Know?’
- Trwy e-bost at: foi@monmouthshire.gov.uk
- Trwy lythyr at: Y Swyddog Monitro Perfformiad, Cyngor Sir Fynwy, Blwch Swyddfa’r Post 106, Cil-y-coed, NP26 9AN
Gallwch ddarllen canllaw defnyddiol am wneud cais am wybodaeth ar wefan Swyddfa’r Comisiynydd Gwybodaeth.