Mae gan Gyngor Sir Fynwy ddyletswydd statudol i sicrhau lleoedd ysgol digonol ac addas i blant yn y Sir, ac wrth wneud hynny sicrhau bod adnoddau a chyfleusterau’n cael eu defnyddio’n effeithlon er mwyn darparu’r cyfleoedd addysg y mae ein plant yn eu haeddu.

Fel rhan o Ddeddf Safonau a Threfniadaeth Ysgolion (Cymru) 2013, mae gan y Cyngor ddyletswydd statudol i ymgynghori ag aelodau’r gymuned a rhanddeiliaid priodol wrth ystyried unrhyw gynigion sylweddol ar gyfer trefniadaeth ysgolion.

Ar 17^eg Ionawr 2024, cytunodd Cabinet y Cyngor i gychwyn y prosesau ymgynghori statudol gofynnol ar y cynnig canlynol:

• I adleoli Ysgol Gymraeg Y Fenni o’i safle presennol yn St Davids Road, Y Fenni, NP7 6HF, i’r safle a arferai gael ei feddiannu gan Ysgol Gynradd Deri View, a leolir yn Llwynu Lane, Y Fenni, NP7 6AR
• O ganlyniad i’r adleoli uchod, cynigir cynyddu capasiti Ysgol Gymraeg Y Fenni i ddarparu 420 o leoedd i ddisgyblion ynghyd â 60 lle Meithrin.

Y dyddiad gweithredu arfaethedig ar gyfer y cynigion uchod yw Ebrill 2025.

Bydd ymgynghoriad statudol ar y cynigion yn dechrau ar ddydd Llun 29^ain Ionawr 2024 a bydd yn parhau ar agor am gyfnod o 42 diwrnod, gan ddod i ben 11^eg Mawrth 2024.

Mae’r Cyngor wedi datblygu dogfen ymgynghori sy’n rhoi mwy o fanylion am y cynigion a gyflwynwyd a’r rhesymau drostynt.

Dweud eich Dweud

Mae’r Cyngor yn rhagweithiol yn ceisio barn ar y cynigion hyn gan yr holl randdeiliaid, yn enwedig y rhai sy’n debygol o gael eu heffeithio gan y cynigion. Cymerwch ychydig o amser i astudio’r cynigion a gyflwynwyd ac yna rhannwch eich barn gyda ni drwy gwblhau’r profforma ymateb ar-lein cyn y dyddiad cau o’r 11^eg Mawrth 2024.

Bydd y Cyngor hefyd yn cynnal sesiwn ymgysylltu i roi cyfle i bartïon sydd â diddordeb ofyn unrhyw gwestiynau am y cynigion sy’n cael eu cyflwyno:

Y Camau Nesaf?

Bydd Cabinet y Cyngor yn ailymgynnull ar ôl y dyddiad cau a gyhoeddwyd i ystyried yr adborth a gafwyd gan randdeiliaid, a bydd yn defnyddio’r wybodaeth hon i benderfynu a ddylid dilyn camau nesaf y broses statudol hon ai peidio.   Felly, p’un a ydych o blaid y cynigion ai peidio, cymerwch amser i gymryd rhan yn y broses hon a rhoi gwybod i ni eich barn.

Os oes gennych unrhyw gwestiynau am yr ymgynghoriad hwn, cysylltwch â ni drwy e-bostio strategicreview@monmouthshire.gov.uk

Dogfennau defnyddiol eraill yn ymwneud â’r ymgynghoriad hwn:

• Llythyr i ymgynghoreion
• Asesiadau o’r Effaith ar Gydraddoldeb (gan gynnwys yr asesiad ar y Gymraeg)