Bob blwyddyn, mae Llywodraeth Cymru yn caniatáu i bob awdurdod lleol gyflwyno 3 chais strategol i’w hystyried er mwyn datblygu’r rhwydwaith Teithio Llesol, ar gyfer y llwybrau hynny a nodir ar Fapiau’r Rhwydwaith Teithio Llesol. Yn 2021, roedd Cyngor Sir Fynwy yn llwyddiannus yn eu 3 chais daearyddol : Cil-y-coed; Trefynwy a’r Fenni.
Yn 2021 cymeradwyodd Llywodraeth Cymru’r cynlluniau a nodir isod. Mae’r testun yn crynhoi uchelgais pob un o’r cynlluniau. Bydd llawer o’r cynlluniau’n cymryd dros 2 flynedd i’w cwblhau.
TROSOLWG AR GYFER CYNLLUN STRATEGOL CIL-Y-COED
Heol yr Eglwys
Mae’r cynllun hwn (yn amodol ar gyllid) yn ceisio:
- Parhau i wella Heol yr Eglwys. Yr uchelgais yw ei throi’n stryd sy’n ystyriol o gerdded a beicio drwy fabwysiadu egwyddor Stryd Dawel. Bydd hyn yn cynnwys: palmentydd mwy llydan, croesfannau â blaenoriaeth i gerddwyr wrth gyffyrdd, cynllun rhannu gofod a mesurau eraill a fydd yn rhoi mwy o flaenoriaethau i feicwyr a cherddwyr. Bydd y cynllun hefyd yn integreiddio seilwaith gwyrdd ar gyfer lles ehangach y gymuned.
- Gwella’r cysylltiad â Heol Casnewydd drwy ganol y dref i gysylltu â’r B4245. Bydd y dull integredig hwn o deithio llesol o fewn yr ochr ddwyreiniol yn gwella cysylltiadau i breswylwyr gael mynediad at gyflogaeth, addysg a gwasanaethau lleol, yn ogystal â chael mynediad at ddulliau trafnidiaeth gyhoeddus. • Yn 2021, canolbwyntir ar adeiladu peth o’r cynllun
Aml-gynllun Cil-y-coed Llwybr Defnyddiwr / Parc gwledig y Castell
Mae’r cynllun hwn (yn amodol ar gyllid) yn ceisio:
- Uwchraddio cyswllt croeslin rhwng safleoedd cyflogaeth ym Mitel, Castlegate ac Ystâd Ddiwydiannol Severnbridge gyda’r Castell a’r Parc Gwledig, trwy weithredu fel cyswllt allweddol oddi ar y ffordd rhwng cymdogaethau – yn ogystal â darparu cyswllt yn y dyfodol â llwybr ‘Cysylltiadau Cil-y-coed’ (gweler isod).
- Gwella cysylltiadau o’r fynedfa i’r Castell (gan gynnwys maes parcio) i gynllun Cysylltiadau Cil-y-coed. • Yn 2021, bydd cyfres o asesiadau ecolegol e.e. pathewod ac ystlumod, yn ogystal ag ymchwiliadau draenio
Cysylltiadau Cil-y-coed
Mae’r cynllun hwn (yn amodol ar gyllid) yn ceisio:
- Datblygu 2.81 cilomedr o’r hen reilffordd yn llwybr Teithio Llesol a fydd yn gwasanaethu nifer o gymunedau lleol. Bydd y llwybr aml-ddefnyddiwr cerdded/beicio (ac mewn mannau marchogaeth) pwrpasol newydd yn hygyrch i drigolion ac ymwelwyr cymunedau Porth Sgiwed, Cil-y-coed a Chaerwent i gael mynediad i gyrchfannau allweddol o ran cyflogaeth a thwristiaeth.
- Galluogi trigolion yr ystadau tai newydd yng Nghrug a Melin Bapur Sudbrook i fynd i ganol tref Cil-y-coed drwy lwybr gwell.
- Rhoi cyfleoedd i breswylwyr gael mynediad aml-ddefnyddiwr ar hyd coridor gwyrdd diogel rhwng cymunedau Porth Sgiwed, Cil-y-coed a Chaerwent. • Yn 2021, bydd gwaith yn parhau gyda’r gwaith dylunio, arolygu ac ymgynghori manwl ar gyfer y cynllun hwn.
Heol Casnewydd
Mae’r cynllun hwn (yn amodol ar gyllid) yn ceisio:
- Gwella Heol Casnewydd, i’r gorllewin o welliannau sydd wedi’u cwblhau’n barod yn ardal y ‘Groes’, drwy ganol y dref a hyd at y gyffordd â’r B4245 i wella cyfleusterau cerdded a beicio.
- Yn 2021, bydd gwaith yn parhau ar y dyluniad terfynol a threial o’r symudiad traffig
TROSOLWG AR GYFER CYNLLUNIAU STRATEGOL Y FENNI
PONT DROED A BEICIO LLAN-FFWYST
Mae’r cynllun hwn (yn amodol ar gyllid) yn ceisio:
- Darparu pont droed a beicio newydd ar draws yr Afon Wysg (tua 50 metr i’r dwyrain o’r bont garreg bresennol, sy’n Heneb Gofrestredig a hefyd wedi’i rhestru’n Gradd II*). Y bont Teithio Llesol newydd fydd prif groesfan yr afon rhwng Llan-ffwyst a’r Fenni ar gyfer defnyddwyr nad ydynt yn fodurwyr.
- Yn 2021, bydd angen arolygon arbenigol ychwanegol e.e. amddiffynfeydd rhag llifogydd a chysylltu â Chyfoeth Naturiol Cymru a sefydliadau allweddol eraill. Yn seiliedig ar dystiolaeth ddiweddar i ymgysylltu â’r cyhoedd, y cynllun yw’r flaenoriaeth Teithio Llesol uchaf ar gyfer y Fenni.
CYSYLLTIADAU DOLYDD Y CASTEL
Mae’r cynllun hwn (yn amodol ar gyllid) yn ceisio:
- Gwella mynediad i gerddwyr a beiciau i’r Bont Teithio Llesol newydd arfaethedig, canol y dref a chyrchfannau allweddol: fel y gorsafoedd trenau a bysiau.
- Yn 2021, bydd ymdrechion yn canolbwyntio ar ddyluniad y llwybrau newydd; trafodaethau tirfeddiannwr; astudiaethau ecolegol ac ymgynghoriadau gydag amrywiaeth o randdeiliaid allweddol.
CYSWLLT PONT I LAN-FFWYST
Mae’r cynllun hwn (yn amodol ar gyllid) yn ceisio:
- Gwella llwybrau beicio a cherdded o’r bont arfaethedig i Lan-ffwyst.
- Yn 2021, bydd astudiaethau dichonoldeb yn cael eu cynnal i sefydlu’r llwybr mwyaf diogel a mwyaf priodol i feicwyr a cherddwyr, unwaith y byddant yn croesi’r bont ger tafarn Bridge End tuag at Lan-ffwyst
TROSOLWG AR GYFER CYNLLUNIAU STRATEGOL TREFYNWY
LLWYBR KINGSWOOD GATE-LÔN WILLIAMS FIELD
Mae’r cynllun hwn (yn amodol ar gyllid) yn ceisio:
- Cwblhau ail gam (cynllun tri cham) llwybr hollbwysig i Ysgol Gynradd Overmonnow. Bydd y cynllun hwn yn uwchraddio llwybr anffurfiol, oddi ar y ffordd, sy’n bodoli eisoes.
- Nododd ymateb y cyhoedd i’r Ymgynghoriad Teithio Llesol yn 2020 fod y llwybr hwn yn un yr oedd angen ei wella’n sylweddol.
- Dechreuodd y gwaith hwn yn 2020 a chwblhawyd cam cyntaf y gwaith adeiladu yn gynnar yn 2021 gyda 130 metr o waith. Y cam nesaf yw adeiladu’r llwybr. Bydd y gwaith yn cynnwys gosod wyneb newydd, lledu a goleuo’r llwybr, yn ogystal â’r dyluniad terfynol ar gyfer y llwybr sy’n weddill (dôl – 330m); a chwblhau trafodaethau tir. Bydd y gwaith adeiladu ar draws y ddôl yn dechrau yn 2022/23.
CYSYLLTIADAU TEITHIO LLESOL CROESI’R AFON WYSG A WYESHAM
Mae’r cynllun hwn (yn amodol ar gyllid) yn ceisio:
- Adeiladu pont Teithio Llesol newydd. Mae Pont Gwy bresennol wedi’i nodi fel rhwystr allweddol ar gyfer teithio llesol rhwng Wyesham a chanol tref Trefynwy. Fe’i nodwyd fel un o’r tri phrif lwybr sydd angen sylw yn Sir Fynwy gan y cyhoedd drwy’r ymgysylltiad Teithio Llesol fel llwybr y mae angen ei wella.
- Yn 2021, bydd dyluniad manwl y bont Teithio Llesol a chynnal astudiaethau cychwynnol ar lwybrau allweddol i’r bont yn cael eu cwblhau. Mae hyn yn cynnwys trafodaethau gyda Chyfoeth Naturiol Cymru a rhanddeiliaid allweddol eraill.
STRYD MYNWY
Mae’r cynllun hwn (yn amodol ar gyllid) yn ceisio:
- Cynnal astudiaethau dichonoldeb atodol i asesu pa welliannau Teithio Llesol sydd eu hangen ar Stryd Mynwy (gan gynnwys Pont Mynwy).
- Mae’r trefniadau dros dro presennol ar gyfer Covid a’r ymgynghoriad Teithio Llesol wedi dangos safbwyntiau gwahanol iawn ar Stryd Mynwy. Felly, yn 2021, bydd dealltwriaeth ddyfnach o symudiadau traffig, symudiadau beicio a cherdded yn cael eu cynnal drwy gamerâu ac arolygon atal a gofyn.
CYSWLLT LÔN WILLIAMS FIELD I GANOL Y DRE
Mae’r cynllun hwn (yn amodol ar gyllid) yn ceisio:
- Cytuno ar well cysylltiadau cerdded a beicio rhwng pwynt dechrau Lôn Williams Field a chanol y dref.
- Yn 2021, bydd yr astudiaeth ddichonoldeb yn cynnwys dadansoddiad o rannau o wahanol seilwaith ffyrdd a llwybr oddi ar y ffordd. Bydd yr astudiaeth ddichonoldeb yn cynnwys cyfrifiadau traffig, astudiaethau defnydd, asesiadau diogelwch ac arolygon topograffig.
MAE MEYSYDD GWAITH ERAILL AR RADDFA FACH Y CYTUNWYD ARNYNT GAN LYWODRAETH CYMRU YN CYNNWYS:
Prosiect | |
1 | Dichonoldeb llwybr TLl Ysgol Uwchradd Cas-gwent |
2 | Dichonoldeb Ysgol Gyfun/canolfan hamdden Cil-y-coed |
3 | Ffordd Gorsaf y Fenni; Cyswllt Gorsaf Drenau |
4 | Ymgynghoriad Cyhoeddus Mapiau Rhwydwaith TLl |
5 | Mwy o Seilwaith Beicio – Lleoliadau Ysgolion Cynradd |
6 | Gwella arwyddion TLl |
7 | Mwy o Seilwaith Cerdded TLl – Meinciau |
8 | Brynbuga – Dichonoldeb datblygu beicio a cherdded Little Mill |
9 | Monitro Camerâu TLl – B4245 |
10 | Monitro a Gwerthuso TLl – Cyfrifiadau |
11 | Mwy o Seilwaith Beicio – Lleoliadau Canol y Dref |
12 | Astudiaeth Trafnidiaeth Cas-gwent |