Pam mae angen Trwydded arnaf i?
Mae Deddf y Priffyrdd 1980 yn mynnu bod yr Awdurdod yn cynnal a chadw'r ffordd fawr fel amgylchedd diogel i bob un o'i defnyddwyr. Pe caniateid i bawb roi Sgipiau a Sgaffaldiau lle bynnag y gwelant yn dda, byddai'n amharu ar ddiogelwch cyhoeddus.
Am y rheswm hwn ni chaniateir sgipiau ar y droedffordd ond pan fydd arolygwr wedi rhoi caniatâd arbennig. Rhaid iddo fod wedi'i fodloni nad oes perygl i gerddwyr na pherygl o ddifrodi'r droedffordd.
Mae adrannau 139 a 140 yn ymdrin â chyhoeddi trwyddedau ac adran 169 y Ddeddf y Priffyrdd 1980 yn ymdrin â sgaffaldiau.
Sut rwy'n cael Trwydded Sgipiau neu Sgaffaldiau?
Fel arfer ni fydd yr Awdurdod ond yn cyhoeddi trwyddedau i berchnogion sgipiau neu sgaffaldiau os oes ganddynt Yswiriant Atebolrwydd Cyhoeddus a'r offer i ddelio ag unrhyw broblemau. Mae angen trwydded ar gyfer pob cyfeiriad lle y rhoddir sgip.
Cysylltwch â'ch Siop-Un-Siop i wneud cais am drwydded neu am ragor o wybodaeth.
Beth yw'r telerau a'r amodau?
Fel arfer cyhoeddir trwydded sgaffaldiau yn unig os yw'r ymofyniad yn bodloni nifer o amodau. Mae'r rhain yn cynnwys:
-
Rhoi o leiaf 48 o oriau o rybudd
-
Rhaid bod gan y perchennog Yswiriant Atebolrwydd Cyhoeddus i amddiffyn yr Awdurdod yn erbyn unrhyw hawliadau
-
Rhaid darparu arwyddion / goleuadau rhybuddio
-
Mae enw a manylion cysylltu'r perchennog yn amlwg iawn
-
Ni chaniateir i sgipiau llawn aros ar safle am fwy na 48 awr
Pa wybodaeth y mae'n rhaid i mi ei throsglwyddo?
-
Enw'r stryd a'r ardal
-
Lleoliad arfaethedig ar y stryd h.y. mor fanwl ag sy'n bosibl - y tu allan i rif ty ac ati.
-
Enw'r cwmni a rhif gysylltu
-
Am faint y mae angen y drwydded
Beth sy'n digwydd nesaf?
Trosglwyddir ceisiadau am drwyddedau Sgipiau a Sgaffaldiau i'n Harchwilwyr Ffordd Fawr a fydd yn:
-
ymweld â'r safle
-
penderfynu a yw'r awdurdod yn gyfrifol am y safle
-
penderfynu a fyddai lleoliad y sgip neu'r sgaffaldiau yn peryglu diogelwch y cyhoedd
-
penderfynu ar y gweithrediad priodol
Beth sy'n digwydd os rwy'n cael problem gyda Sgipiau neu Sgaffaldiau?
Gan amlaf nid oes problemau os atebir ein telerau a'n hamodau, ond os bydd problem dylid cysylltu â'ch Siop Un Stop leol.
Cyswllt i dudalennau Siop Un Stop