Sefydlwyd Gwasanaethau Cefnogi Llywodraethwyr pan sefydlwyd y Cyngor Sir yn 1996.  Roedd hyn yn gydnabyddiaeth bod angen cefnogaeth a hyfforddiant ar gyrff llywodraethol i gyflawni eu swyddogaeth.

Mae'r tîm Cefnogi Llywodraethwyr yn ymrwymedig i ddarparu ystod llawn o gynhaliaeth weinyddol, arweiniad a chyngor.

Mae'r tîm yn gyfrifol, ymhlith pethau eraill, am: baratoi a dosbarthu trefnlenni, camau dilynol sy'n codi o gyfarfodydd cyrff llywodraethol, penodi llywodraethwyr AALl a chydlynu'r llyfrgell adnoddau i  lywodraethwyr.

Mae Gwasanaethau Llywodraethwyr yn darparu'r clercod i'r rhan fwyaf o gyrff llywodraethol yn y sir.

Mae'r clercod yn cymryd cofnodion y cyfarfodydd ac am weithredu'r camau y mae llywodraethwyr yn gofyn amdanyn nhw mewn cyfarfodydd.

Mae'r clercod yn swyddogion gyda Chyfarwyddiaeth Ddysgu Gydol Oes a Hamdden y Cyngor Sir. Mae hyn yn golygu y ceir perthynas gref rhwng Gwasanaethau Llywodraethwyr a gweddill y gyfarwyddiaeth.

Os nad yw clerc yn gwybod yr ateb i bwynt a godir, bydd ef neu hi'n gallu dod o hyd i'r wybodaeth yn gyflym.