Pennaeth

Mae'r Pennaeth yn aelod o'r corff llywodraethol oherwydd ei swydd. Gall ddewis i beidio â bod yn llywodraethwr ond byddai disgwyl iddo/iddi fynychu cyfarfodydd i gynnig cyngor a gwybodaeth.

Rhiant

Gall rhiant-lywodraethwr fod yn rhiant gwirioneddol, rhywun sydd arddel cyfrifoldeb rhiant neu rywun sy'n gofalu am blentyn.

Pan fydd lle gwag ar gyfer rhiant-lywodraethwr, gofynnir am enwebiadau gan rieni ac os oes mwy nag un cynhelir etholiad.

Awdurdod Addysg Leol

Nid yw Llywodraethwyr AALl o reidrwydd yn Gynghorwyr Sir ond fel arfer byddant yn aelodau o blaid wleidyddol. Ceisir enwebiadau gan Gynghorau Sir yn nalgylch yr ysgol.

Mae gan Sir Fynwy god ymarfer ar gyfer penodi llywodraethwyr AALl er mwyn sicrhau bod ganddynt y sgiliau a'r amser i fod yn llywodraethwr.

Athro

Etholir athro-lywodraethwyr gan eu cydweithwyr i'w cynrychioli. Ni all athrawon fod yn llywodraethwyr ond tra eu bod yn gyflogedig gan yr ysgol.

Cyfetholwyd

Gall cyrff llywodraethol ofyn i bobl eraill ymuno â hwy. Pwrpas llywodraethwyr a gyfetholir yw i gynrychioli'r gymuned fusnes.

Awdurdod Llai

Penodir y llywodraethwyr hyn gan y gyngor tref neu gymuned lleol.

Sefydliad

Penodir llywodraethwyr sefydliad gan y Sefydliad a/neu Ymddiried ysgol wirfoddol (eglwys). Mae llywodraethwyr sefydliad yn gyfrifol am ethos crefyddol yr ysgol.

Staff

Mae'r llywodraethwyr hyn yn cynrychioli'r gefnogaeth yn yr ysgol ac ni allant fod yn llywodraethwyr ond tra eu bod yn gyflogedig yn yr ysgol.

Partneriaeth

Mae llywodraethwyr partneriaeth yn eistedd ar gyrff llywodraethu ysgolion sefydliad an-eglwysig, hy ysgolion a gynhelid â grant gynt. Mae'r corff llywodraethu'n gyfrifol am geisio enwebiadau ar gyfer llywodraethwyr partneriaeth ac am eu penodi.